بحضور عبد الباسط حمودة.. عمر كمال يحتفل بزفاف شقيقته

احتفل مؤدي المهرجانات عمر كمال بزفاف شقيقته “آية” مساء الأحد 28 مايو، بحضور الأهل والأقارب، وأقيم حفل الزفاف في السويس وحضره عدد من نجوم الأغنية الشعبية مثل عبد الباسط حمودة وأحمد شيبة ومغني المهرجانات حسن شاكوش وغيرهم.

وظهر عمر كمال خلال حفل زفاف شقيقته بإطلالتين الأولى جاكيت أحمر لامع والثانية جاكيت أسود لامع.

عمر كمال يهاجم تقنية الذكاء الإصطناعي: "استحالة البلاستيك يبقى زي الحقيقي"
 

علق مطرب المهرجانات عمر كمال، على تقنية الذكاء الإصطناعي، التي أثارت الجدل خلال الأيام الماضية، وذلك بعد إعلان عمرو مصطفى إعادته تقديم أغاني كوكب الشرق  أم كلثوم عن طريق الذكاء الاصطناعي.  

كتب عمر كمال عبر صفحته على موقع التواصل الإجتماعي “الفيسبوك” قائلا:" طب لو افترضنا إن فيه برنامج، عرف يجيب صوت أم كلثوم مثلا وده مش هيحصل أصلا، لأن ده صوت نازل بالجودة بتاعته من السما ملهوش بديل.. هتجيب إحساسها منين ووجعها، وهي بتقول وعايزنا نرجع زي زمان قول للزمان ارجع يا زمان، هتجيب منين الشموخ والكبرياء اللي في صوتها وهي بتقول بدي أشكيلك من نار حبي، بدي أحكي لك على اللي في قلبي، وأقولك على اللي سهرني، وأقولك على اللي بكاني وأصورلك ضنا روحي وعزة نفسي منعاني".

وتابع:" صوت الإنسان عبارة عن إحساسه، وتجارب حياته اللي عاشها كل ده بيصنع صوته، وملامح صوته استحالة أي حد مش برنامج، بس يعرف يجيب إحساس حد أو حتى عوربة حزن أو إحساس جملة قالها الصوت الحقيقي، الذكاء الاصطناعى حلو جدًا للموزعين والملحنين هيخليهم يبيعوا شغل كتير بجد".

وأضاف عمر كمال:" لأنه ممكن يبعت للمطرب أو المطربة أغنية خلصانة كلام، ولحن وتوزيع متغني بالذكاء الاصطناعى، بصوت بلاستيك قريب من صوته، فالمطرب هيشوف نفسه في الموضوع على طول، وهيعرف أن الأغنية بتاعته، ولايقة عليه جدًا، وبدال ما يقول للموزع أو الملحن سيبني كام يوم، أشوف فيها نفسي وأجرب صوتي عليها، هيقوله الأغنية بتاعتي على طول لأنه شاف نفسه فيها.. لكن إن الذكاء الاصطناعي يعمل نجم، استحالة البلاستيك يبقى زي الحقيقي".