مروة عبد المنعم ضيفة برنامج "واحد من الناس".. اليوم
تحل الفنانة مروة عبد المنعم، اليوم الإثنين ضيفة في برنامج "واحد من الناس" مع الإعلامي الدكتور عمرو الليثى، المذاع على شاشة قناة الحياة في العاشرة مساء.
مروة عبد المنعم ضيفة برنامج "واحد من الناس"
وتحكي مروة عبد المنعم، عن أصعب وأخطر اللحظات الإنسانية التي عاشتها بعد وفاة الخادمة التي كانت تساعدها في المنزل والاتهامات التي طالتها وبعدها عن الفن وقلة أعمالها وانصراف زملائها عنها والأزمة المالية التي مرت بها.
وكانت تصدرت الفنانة مروة عبد المنعم تريند محرك البحث الشهير “جوجل”، بعدما انهارت الفنانة مروة عبد المنعم من البكاء على الهواء مباشرة، بعد حديثها عن الأشخاص الذين تخلوا عنه في محنتها، وأثناء ابتعادها عن الفن.
وقالت مروة عبد المنعم خلال لقائها في برنامج "قعدة ستات"، المذاع على شاشة "القاهرة اليوم" وتقدمه الإعلامية مروة صبري: كنت لسه بقول لبنتي مش عارفه أنا صرفت عليكم طول السنين اللي فاتت دي ازاي؟ بس بتمشي، أنا وقفت جمب نفسي محدش وقف جمبي، طبعا بعد ربنا، ربنا ده عظيم وكريم ، بقعد ساعات أقول أنا بصرف السنة دي ازاي.
بكاء مروة عبد المنعم
واستكملت مروة عبد المنعم حديثها قائلة: أشرف زكي وقف معايا، إدوارد كان وقتها معايا، ومكنش كتير، ودول اللي كانوا اقفين معايا، ومش هقول مين أتخلى عني، وفي ناس استنيت إن هما يبقوا معايا ومزعلني أوي ومش عايز أقول مين، ومكنوش صحابي أوي وعلى الأقل في بينا عشرة من الوسط الفني، ولما أقابلهم في لوكيشن بيقوليلي إيه الأخبار وبيسألوا عليا، وبقول الأسماء في الحاجة الكويسة.
وتابعت مروة عبد المنعم: وأشرف زكي وقف معايا جامد جدًا بصراحة، ومن أكتر الناس اللي وقفوا معايا، كنت متخيله إن تامر حسني يسأل عليا، وخاصًة كان لسه في عمر وسلمى حصله موقف في الجيش وروحتله مع إني لسه مكنتش صاحبته، والناس اللي بينا عشرة شغل فقط مسألوش عليا، إحنا مش عشرة خروج وفصتح، وتامر من الناس اللي قريبة مني، ومبعتش رسالة ولا كلمني، أحمد صفوت من الناس اللي وقفوا معايا، وأحمد زاهر وقف معايا في حاجات كتير جدًا.
