حورية فرغلي: كنت مخطوبة لمسئول إماراتي مات قبل الفرح بيوم

كشفت الفنانة حورية فرغلي عن فترة ارتباطها بمسئول إماراتي كانت ستتزوج منه لكنه توفي قبل حفل الزفاف.

وقالت حورية فرغلي في تصريحات تليفزيونية:" كنت هتجوز واحد مسئول إماراتي بس مات، كان تاني يوم هيبقى الفرح لكن مات الساعة 6 الصبح، هو كان من العائلة المالكة .. كل دا بشغلي أنا كنت في الاتحاد هناك والخيل الغالية دي الاتحاد هو اللي بيشتري الخيل، في خيل بتاعتي وفي خيل بتاعة المنتخب".

تابعت: "أنا اتجوزت لمدة 3 شهور من ابن الإعلامي أحمد فراج واتطلقت بسبب الكلام اللي كان بيتكتب في الجرايد بسبب جائزة ملكة جمال مصر، بس احنا أصحاب جدًّا لحد دلوقتِ، أنا اتطلقت منه 2003 قبل ما أدخل التمثيل".

أضافت:" اكتشفت إني مبخلفش ومليش في الإنجاب، ومش ده كان سبب طلاقي ولكن مكناش سعداء مع بعض، وكذا طبيب أكدوا لي إني مليش في الخلفة، ودي حاجة مولودة بيها وعملت اختبار في إنجلترا قالوا لي الرحم نفسه مش طبيعي، وأنا الحمد لله راضية".