طليقة زوج نسرين طافش: "كان بيخوني ولما عرفت طردني من البيت"

خرجت السيدة شيرين بكير، طليقة زوج الفنانة نسرين طافش، عن صمتها وكشفت تفاصيل تعرضها للضرب والقهر من طليقها، مستغيثة بالجهات المختصة، نتيجة وجود خلافات ووصلت إلى ساحات المحاكم.

 طليقة زوج نسرين طافش: "كان بيخوني ولما عرفت طردني من البيت"

وقالت شيرين بكير:" بقالي ٣ سنين بستغيث أني أخد حقوقي منه، هو اتعدى عليا بالضرب كذا مرة وفيه إثباتات أكدا وفيه صور للكلام دا كله، وطردني من منزل الزوجية بدون أي شيء من حاجاتي الخاصة، ولما طلبت حقي من البيت رفض، حتى الفلوس بتاعت شغلي والدهب رفض يديهاني، وفي الأخر الطلاق تم غيابي".

وتابعت:" رفع عليا طبنجة معرفش مرخصة ولا لا، جري في الشارع ورايا وضربني في الشارع، ومش مرة ولا اتنين لا دا كذا مرة، وطليقته اللي قبلي بردو كان بيتعدى عليها بالضرب، وبردو في محاضر وقضايا عليه، والمشكلة مكانتش معايا أنا بس".

واستكملت:" ورفعت قواضي كان بيعطلها، وفيه عليه أحكام، وبردو بيختفي، ولما كنت بتضرب كان بيتاخد مني التليفون ومكنتش بعرف استنجد بحد، ولما استنجدت بأهله كنت رايحة إيدي مكسورة، كان أبوه قالي أنه هيتولى الموضوع، وبعد كدا طلب منهم محدش يتدخل".

وأضافت:"وأنا بناشد كل الجهات المختصة، أنا واحدة اتظلمت وواحدة اتهانت، وأنا مستاهلش الإهانة، وهو مقتدر بس مش عايز ينفذ، وأنا تعبت لأن الموضوع بقاله سنة واتنين وتلاتة وهو بيقول مش هتطول حاجة مني".