عزة بهاء: عرفت أن جوزي متجوز عليا في جنازته

روت الفنانة عزة بهاء كيف اكتشفت زواج زوجها عليها يوم جنازته، وذلك خلال حلولها ضيفة على برنامج "قعدة ستات" من تقديم مروة صبري .

 قالت عزة بهاء إنها تزوجت 3 مرات ووصفت حظها في الزواج بالسيئ لأن اختياراتها خاطئة، مضيفة "مليش حظ في الرجالة للآسف أنا بختار غلط".

وحكت عزة بهاء أنها اكتشفت بالصدفة أن زوجها متزوج عليها يوم جنازته وقالت: "أنا كنت قاعدة مستنية جوزي كان مسافر وراجع واتأخر، لقيت مامته بتكلمني وقالتلي أنه أتوفى، مكنتش مستوعبة، نزلت وروحت لقيته أتوفى فعلا ولقيت في عربية الإسعاف معاه واحدة، فضلت أخبط على الباب عاوزة أعرف إيه حصل ومين معاه".

وأكملت: "بعد ما صلينا وأتدفن واحد من أصحابه كان بيواسيني، فسألته مين اللي كانت معاه لأنهم قالولي أن كان معاه حد في الرحلة، قالي لأ متظلميهوش يا عزة هو طول عمره على خُلق دي مكنتش صاحبته دي كانت مراته".