"بقيت أحسن".. المراسلة أميمة بدري تكشف تطورات حالتها الصحية بعد فقدانها النطق

طمأنت أميمة بدري مراسلة قناة “دي إم سي” جمهورها عن تطورات حالتها الصحية، وذلك بعدما فقدت النطق خلال الأيام الماضية بسبب الحزن.

المراسلة أميمة بدري تكشف تطورات حالتها الصحية بعد فقدانها النطق

نشرت أميمة بدري، منشور عبر سحابها بموقع التواصل الاجتماعي “الفيسبوك” قائلة:" الحمد لله أنا بقيت كويسة خلاص فاضلي حاجات بسيطة إنما أنا بقيت تمام الحمد لله و بعرف أتكلم بس مش قادرة أرد على أي تليفونات".

وكانت تعرضت الزميلة أميمة بدري ، مراسلة قناة  DMC لأزمة نفسية شديدة نتج عنها تعرضها لفقدان النطق وصعوبة فى الكلام.

وقالت أميمة بدري،" الحمد لله رب العالمين علي كل حاجة حصلت ليا أنا بكتب وانا مش قادرة لاطمنكم أنا روحت المستشفي  وعملت الأشعة المقطعيه علي المخ  الحمد لله مفيش جلطه بس للاسف فقدت النطق بسبب إني زعلت جامد ادعولي دعوة صادقه أنا محتاجه لدعواتكم وشكرا لكل اللي بيكلمني بس حرفيا مش قادرة من الصدمه".

تابعت:" أنا دكتور كتبلي ادويه وقالي لازم ارتاح تماما وخلال ٣ ايام لو مش اتحسنت ورجعت اتكلم هتابع مع دكتور اعصاب واعمل جلسات كهرباء لأعرف أتحسن ادعولي اعرف انطق تاني وارجع لحياتي انا نفسيا مش أحسن حاجة دعواتكم وشكرا للتواصل معايا ولكل  واحد حاول يكلمني ويساعدني وشكرا للي جالي البيت ووداني المستشفي دعواتكم.. اللي يعرف الادويه دي تمام ولا حد يقولي اعمل ايه لان انا قلقانه".

وقالت أميمة بدري ،" شكرًا لكل حد بيسأل وبيطمن  عليا بس ده حالي وصوتي طلع حبه  الصبح مكنش في اي صوت ولا حركة شفايفي ولسه تعبانه فمش عارفه ولا قادرة اتواصل قولت اطمنكم بحالي هنا أسهل .. دعواتكم والحمد لله علي كل شئ.. بقولكم آسفه لكل حد بيسأل وبيطمن عليا  بس مش عارفه أرد  ادعولي أكون كويسه".