خاص.. مدير أعمال مصطفى شعبان يكشف مفاجآت حول واقعة دهس ابنته بالساحل الشمالي

كشف وليد محمود مدير أعمال الفنان مصطفى شعبان، تفاصيل وفاة ابنته “أميرة”، بعد دهسها أسفل عجلات سيارة “جولف كار” بمنطقة الساحل الشمالي، ما أدى إلى وفاتها

وقال وليد محمود مدير أعمال الفنان مصطفى شعبان في تصريحات خاصة لـ"مصر تايمز"، إنه لا صحة لما انتشر بشأن سقوط الفتاة من السيارة نتيجة تعرضها لحالة إغماء أثناء ركوبها السيارة، مضيفا: مفيش حالة إغماء حصلت ولكن في إيد طويلة وصلت للفيديو وتم تسريبه وخرج بالمنظر ده اللي هو مش واضح ومن كاميرا تليفون وبدون تاريخ أو ساعة "

أضاف مدير أعمال الفنان مصطفى شعبان: “بردو تم تداول إن القرية كانت متعاونة معانا من الاول ومكنتش عايزة تظهر الفيديو علشان كان في جهات التحقيق ولكن بردو الكلام ده مش صحيح ، والحقيقة أن أمر النيابة لسه نازل امبارح بتفريغ الكاميرات وقصة الإغماء قصة وهمية ومحدش يقدر يصدقها والجولف كار بيجري بسرعة شديدة جدا”

وتابع: “اللي بيحاول يكتم على الموضوع أنتو معندكوش أولاد ولا ايه يعني الموضوع مش أول مرة يحصل وكذه حادثة حصلت بردو في قرية سيشل بالساحل .. وبردو اتقال ان في واحدة خدتها المستشفى وانها خدتها في قلب مراسي وقالت انها امها ولكن مش صحيح وزي اللي راح المتشفى وقال انه ابوها وحصلها إغماء كلام غريب أنا نتي معاها الجنسية الألمانية والفرنسية مش هقدر أعالجها بره مثلا؟ .. لازم نظهر الموضوع علشان ناخد بالنا بعد كده انا بنتي خلاص راحت ومش هترجع ولكن مينفعش ده يتكرر”.

وفاة ابنة وليد محمود مدير أعمال الفنان مصطفى شعبان

وسادت حالة من الحزن بعد انتشار أنباء عن وفاة ابنة وليد محمود مدير أعمال الفنان مصطفى شعبان، دهسا أسفل عجلات سيارة كلوب كار بمنطقة الساحل الشمالي، ما أدى إلى وفاتها

تعرضت الطفلة أميرة ابنة مدير أعمال مصطفى شعبان للدهس أسفل عجلات كلوب كار يوم 28 يونيو الماضي، وتم نقلها للمستشفى في حالة خطرة، وتقرر إجراء عدة عمليات جراحية لها على مدار أسبوع كامل، لتعرضها لعدة إصابات في منطقة الرأس، وإصابات متفرقة بالجسد ونزيف بالمخ

فشلت كافة محاولات الأطباء في إنقاذ حياتها، ولفظت أنفاسها الأخيرة بعد تدهور حالتها الصحية بشكل كامل بعد إسبوع من الحادث.