سيدة تقييم دعوى خلع ضد زوجها بسبب إلحاحه عليها أن يأخذ مشغولاتها الذهبية

أقامت زوجة تدعي "رحمة" دعوي خلع ضد زوجها أمام محكمة الأسرة ببولاق الدكرور مطالبة فيها بالتفريق بينها وبين زوجها "وليد" لاستحالة المعيشة؛ بسبب إلحاحه عليها في أخذ مستحقاتها "مشغولاتها الذهبية" رغمًا عنها.

وقالت "رحمة" البالغة من العمر 23 سنة، في الدعوي التي تحمل رقم 1741 لسنة 2023، إن زوجها أخلاقه طيبة ويحبها مهما حدث بينهما من خلافات، ولكن بعد الزواج تغير تماما ولم تفهم لماذا ولكنها حاولت التحدث معه بشان بخله الذي ظهر فاجأة بدون سابق إنذار.

وتابعت رحمة:"من أول يوم جواز عمال يتحايل عليا ياخد دهبي ويبيعه وقالى عنده أزمة في الشغل قولتله ازاى وانت لسه منزلتش شغلك وواخد أجازة الزواج.. وبعت حد من اهلى يتاكد من كلامه ملقتش انه حقيقي لو كنت لقيت حقيقي الكلام دا كنت اديته دهبي من غير ميطلب".

وأضافت:"واجهته واتفجأت أنه مد أيده عليا وجبت اهلي وطلبت الطلاق وهو رفض وقالى اعملى اللى يعجبك ومش هطلق وملكيش حاجة عندي".

واختتمت الزوجة في دعواها:"الموضوع بالنسبالي بقي صعب ومش هقدر أكمل خلاص عشان كدا لجأت لمحكمة الأسرة وأقمت دعوى خلع ضده