ايناس مكي: رفضت مواطن ومخبر وحرامي بسبب المشاهد الجريئة.. وأنا ضد مصطلح السينما النظيفة

تحدثت الفنانة ايناس مكي عن فكرة اعتذراها عن فيلم مواطن ومخبر وحرامي بسبب المشاهد الجريئة قائلة:"جالي دور بطولة في فيلم مواطن ومخبر وحرامي ومرفضتوش عشان دا المخرج داوود عبد السيد دا مخرج كبير، روحت صورت بروفات لمدة شهرين وكانت البطلة حنان ترك مش هند صبري وكان دوري 32 مشهد منهم 8 مشاهد هو اللي كاتبهم مشاهد حميمية.

وأضافت مكي في تصريحات صحفية: كان دور بنت متحررة اسمها مديحة وروحت لاستاذ داوود قلتلوا عاوزة اتكلم مع حضرتك فهمني المشاهد دي هتتعمل ازاي لاني مش هعرف اعمل المشاهد ساعتها اتكلمت بمنتهى الاوبن مايند وقلتلوا كل ما يخدم الدور هنصوره بصلي وقام راح الفيلم.

وتحدثت ايناس مكي عن رأيها في مصطلح السينما النظيفة :' ضد تصنيف مصطلح السينما النظيفة لأنه مستقز زي ما اقولك دي ترابيزة نضيفة ودي مش نضيفة وانا مع اننا نخدم على  الدور كما يجب مش لازم نعمل مشاهد احنا كأسرة نتكسف منها، وزوايا السينما نقدر نصور منها كل حاجه.

https://youtu.be/IApMJ_NVTQg