إيناس مكي: أطلقت بعد ست شهور من جوازي لأني مستريحتش وجايز الديفو فيا
الأحد 09/يوليو/2023 - 09:11 م
تحدثت ايناس مكي عن سبب فشل حياتها العاطفية وطلاقها بعد 6 أشهر فقط من الزواج قائلة:' لما اتجوزت كان عندي 29 حياتي واضحة ومتظبطة وكنت نجمة ومكنتش متخيلة انها تفشل قعدنا ست شهور مع العلم أنه ابن ناس ومحترم وسأل عليا بعد ١٥ سنة يطمن عليا وفي بينا مودة
تابعت في تصريحات صحفية:"لقيت نفسي بمنتهى الادب والذوق بديلوا كل حاجته وبقولوا خلينا صحاب وسيبني في حالي يمكن أنا عصبية شوية يمكن أنا اللي مبستحملش يمكن الديفو فيا بس مكنتش مستريحة وعمري ما هسيب نفسي في حاجه مش مستريحة فيها
ختمت قائلة:' موضوع الجواز دلوقت اتقفل وكل ما حد ينكش في الموضوع وافتح الباب الاقي استفزاز وهي هي نفس الطريقة، أنا حزينة إن نسبة كبيرة من صحباتي اللي أعرفهم بعد سنين طويلة برضوا بيطلقوا.
