استدرجها بمنطقة مهجورة وقتلها.. أسرة ضحية الغدر من زوجها بالشرقية تروي تفاصيل الواقعة (فيديو)
شهدت قرية كفر عجيبة، التابعة لمحافظة الشرقية، واقعة مؤلمة بعد ما أقدم رجل على قتل زوجته "فاطمة" بعد تركه لها سنة كاملة مع أسرتها بدون أن ينفق عليها، ثم عاد إليها مرة أخري وقام باستدراجها لمنطقة مهجورة ومن ثم سدد لها 3 طعنات وتركها غارقة في دمائها.
وقال والد المجني عليها:"كان بيضربها قدام عيني ومكنتش بعرف اعملها حاجة لاني راجل كبير في السن.. وكان بيضربها بالشوم على دماغها يفتحهلها ويطردها من البيت ويغضبها عندنا لحد ما في مرة سابها عندنا سنة كاملة من غي رمايجي حتي يبص على عياله الـ3".
وتابع:"أنا مشوفتهاش لما جت على البيت وهي مطعونة بس شوفتها في المستشفي بعد ما اتوفت وقالولي كان كل اللى بتقوله جوزي اللى قتلني وهاتولي حقي.. حسبي الله ونعم الوكيل أنا عايز حق بنتي مش عايز حاجة تاني لان هي مكانتش تستاهل تموت كدا".
بينما قالت شقيقة المجني عليها:"كان دايما بيضربها وولادها بيدافعوا عنها ..على طول بيهنها ويشتمها ويشدها من شعرها وشوفتها جاية يوم الحادث بتجري عليا وجسمها كله دم واخر حاجه نطقتها قالت جوزي اللى عمل فيا كدا وقتلني وهاتولي حقي".
وتابعت:"أختي عاشت معاه 20 سنة .. وماتت اكتر من مرة مش دي المرة الوحيدة اللى ماتت فيها بس دي المرة اللى راحت مننا فيها بجد.. مش عايزة حاجة من الدنيا غير حق اختي".
وتمكنت الأجهزة الأمنية بمديرية أمن الشرقية، من ضبط شخص على خلفية اتهامه بـ قتل زوجته داخل منزل الزوجية، في قرية كفر عجيبة التابعة لدائرة مركز شرطة ههيا.
وتبين من التحريات على أن الزوج قد ارتكب جريمته بواسطة سلاح أبيض طعن به زوجته طعنة أودت بحياتها، وذلك جراء خلافات زوجية بينهما في منزل الزوجية بقرية كفر عجيبة بدائرة مركز شرطة ههيا.
وبالانتقال والفحص تبين مقتل السيدة جراء جرح طعني تعرضت له على يد زوجها داخل منزل الزوجية، في قرية كفر عجيبة التابعة لدائرة مركز شرطة ههيا، وتبين أن الزوج المتهم قد أنهى حياة زوجته بواسطة سلاح أبيض سدد به طعنة، أودت بحياة الزوجة المجني عليها.
