سيدة في دعوى خلع:"اكتشفت أنه متحرش وشوفت صوره على جروب بالفيسبوك" (خاص)

أقامت سيدة تدعي "شاهندة" دعوي خلع ضد زوجها أمام محكمة الأسرة ببولاق الدكرور مطالبة فيها بالتفريق بينها وبين زوجها "عمر" لاستحالة المعيشة؛ وذلك لاكتشفاها أنه شخص غير سوي نفسيًا ويقوم بالتحرش بالفتيات.

وقالت "شاهندة" البالغة من العمر 31 سنة، في الدعوي التي تحمل رقم 1756 لسنة 2023، إن زوجها أخلاقه طيبة وذلك ما كان يظهره لها وأنه يؤدي الصلاة بموعدها ولايأخر فرض من فروض الصلاة ويحدثهم عن الدين والإسلام.

وتابعت:"من أول يوم جواز وهو شخص مثالي جدا ودا يبان لأي حد بيتعامل معاه.. ولكن بعد أول طفلة لينا مكنتش بشوفه كتير في البيت وبيقولي انه شغله واخد كل وقته وان وهو راجع في الطريق بيبقي الدنيا زحمة جدا فبتأخر".

وأضافت:"مكنش بيضربني نهائي ولكن اليوم اللي اكتشفت فيه المصيبة الكبيرة وهي ان بنت في إحدى الجروبات على الفيس بوك كانت بتشتكي أنها اتعرضت للتحرش وانها مصورة المتحرش اتفجأت لما بفتح الصورة واكتشفت أنه جوزي.. جوزي المتدين اللى بيكلمني عن ربنا وعن الإسلام والصلاة طلع متحرش".

واستكملت:" أنا روحت ووواجهته واتفجأت أنه مد أيده عليا وجبت أهلي وطلبت الطلاق وهو رفض وقالى اعملى اللى يعجبك ومش هطلق وملكيش حاجة عندي".

واختتمت الزوجة في دعواها:"الموضوع بالنسبالي بقي صعب ومش هقدر أكمل خلاص عشان كدا لجأت لمحكمة الأسرة وأقمت دعوى خلع ضده".