عمرو مصطفى يغلق أغنية يمكن خير لرامي صبري
رد المطرب رامي صبري، على اتهام الفنان عمرو مصطفى له بسرقة لحن أغنيته "رقصة".
قائلا: "أنا مبحبش أتكلم عن زملائي بشكل سلبي، وعمرو المفترض إنه عشرة كبيرة وصديق واحنا أصحاب وعلشان فيه بيني وبينه عشرة مش هرد بطريقته اللي معجبتنيش واللي اتهمني فيها بالسرقة".
ويستمر الفنان عمرو مصطفى، في افتعال المشكلات مع زملائه في الوسط الفني، وكان آخرهم الفنان رامي صبري وتامر عاشور، ونستعرض في التقرير التالي أبرز تلك المشاكل
بدأت سلسلة خلافات عمرو مصطفى مع نجوم الفن عام 2007 مع منتج ألبومه أيامي، حيث وصل الأمر إلى قطع التعاملات مع المنتج جمال مروان، وتقرر بعدها منع عمرو مصطفى من الغناء في الحفلات وإصدار الألبومات لاحقًا
رامي صبري لـ عمرو مصطفى: عيب كلام صغير يطلع من فنان كبير زيك
قال الفنان رامي صبري، إنه يعتبر موسيقارا مثل عمر خيرت وياسر عبد الرحمن، حيث إنه درس الموسيقى في المعهد العالي للموسيقى العربية، وعلق على اتهامات الفنان عمرو مصطفى له بشأن اقتباسه لحن أغنية يمكن خير من أغنية رقصة.
وأوضح رامي صبري خلال تصريحات إذاعية: معنديش مشكلة تقول صوتي وحش أو الأغاني بتاعتي وحشة أو مش نجم ومش ناجح إنما تطلع تقول أنت سرقت دي كلمة كبيرة، رامي صبري مش مطرب بس، أنا راجل دارس موسيقى ومتخرج من المعهد العالي للموسيقى العربية قسم تأليف موسيقى كلمة كبيرة جدًا زي عمر خيرت وياسر عبد الرحمن موسيقار المفروض أنا مبتكلمش عن نفسي كتير، وهو خريج جامعة القاهرة كلية حقوق في الآخر أنا متخصص، فلما ييجي يتكلم الأستاذ مع الطالب معاه مش هنتساوى، الدراسة بتخلي عندك ثقة في الكلام عن الموسيقى، وهو بيتكلم غلط.
وأضاف رامي: لو هو يعرفني كويس هيبقى عارف إني فنان والمبدع الحقيقي مش بيسرق، فيه فرق بين السرقة وتوارد الأفكار، زمان عملت أغنية للفنان عامر منيب اسمها مكنش حب وهندم ليه، بعدها بسنة عمل عمرو دياب أغنية أي حاجة تيجي من ريحة الحبايب، السرقة اللي بجد بتكون في اقتباس 4 موازير، لكن اللي حصل إنه فيه تشابه في 3 بس، وده توارد أفكار.
وتابع رامي صبري: لما ييجي يتكلم على متخصص وأنت خريج حقوق لازم تكون عارف بتتكلم عن مين، أنا لو مركز معاه هيتحاسب عليه قانونًا لكن أنا بكبر دماغي، مش هو ده اللي يهمني، أنا يفرق معايا جمهور إنه يسمع حاجة حلوة اطلع ملك الفرفشة وابقى لذيذ، هقوله ربنا يهديك، اشتغل أكتر واعمل حاجات جديدة زي ملحنين كبار تانيين زمايلك زي عزيز الشافعي ومدين مش مركزين في اللي انت بتعمله واعملنا شغل حلوة، وأنا شخصيًا لو أنت عملت أغنية حلوة ليا هغنيها ومعنديش مشكلة معاك إنما تقول سرقة ده كلام صغير عيب يطلع من فنان كبير زيك.
وأردف رامي صبري: لو حد اتسرق منه حاجة مبيسكتش، إنما ده توارد خواطر، هو مش على حق فعلًا عشان يطلع يقول سرقة أنا شخص محترم وأحب أحترم نفسي، ولكن كلمة سرقة دي كلمة عيب.
عمرو مصطفى وتامر عاشور
وهاجم المطرب والملحن تامر عاشور، موضحًا أنه لحن أغنية للفنان مصطفى صندل التركي، وتامر أخذ اللحن والتوزيع ووضع اسم ملحن آخر، رغم أنه موجود داخل صناعة الموسيقى، مضيفا: "بكل أسف هذه الصناعة تعرضت للتدمير بسبب سرقة الأغاني والألحان.. ولا أبالغ إذا قلت أنه في الفترة الأخيرة سرق مني أغنيتين من مطربي المهرجانات".
وأضاف: "تامر عاشور من أمثلة استباحة الجمل اللحنية لأشخاص على قيد الحياة، والمفروض كان يحذف الأغنية من يوتيوب لما عرف إنها لحني أو يستأذن مني".
وتابع خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "لسه فيه أغنيتين خدهم مطربين مهرجانات وسرقوهم هل دا مش معناه إن الصناعة اتدمرت".
كتب عمرو مصطفى عبر صفحته الرسمية بفيس بوك: أنا خُضت مشاكل كتيرة جدًا مالهاش قيمة، وفي برنامج العرافة رمضان اللي فات، طلعت وقدمت نصيحة لمحمد رمضان أنه يستفيد بتجربتي ويبطل مشاكل، لكن للأسف النهارده اتفاجئت إنه بيقحم اسم مصر في مشاكله الشخصية، عن طريق محاولة قلب الحقائق، بفيديو يخص مشكلته الشخصية في التحفظ على أمواله.. غير تلميحاته بأن (مصر وأهلها) لو محتاجة فلوسي يتفضلوا أنا جاهز
