زوجة حسن شاكوش: "أنا أتضحك عليا في حلقة برنامج شيخ الحارة"
أثارت ريم طارق زوجة المطرب الشعبي حسن شاكوش، الجدل خلال الساعات الماضيةـ بعد الكشف عن آخر تطورات الأزمة بينهم، مؤكدة أنه قام بطرد والدها من مسكن الزوجية، أثناء تنفيذها حكم التمكين التي حصلت عليه مؤخرًا.
زوجة حسن شاكوش: "أنا أتضحك عليا في حلقة برنامج شيخ الحارة"
وقالت ريم طارق في بث عبر حسابها الشخصي بموقع انستجرام: لو طلقتني عرفني، علشان أقول للناس السبب اللي خلاك تخطبني وتقول عايز بنت الجيران اللي مابتسبش فرض، اللي سجدت شكر لله، مؤكدة أن ما حدث مع شيخ العرافين في برنامج "العرافة" مع الاعلامية بسمة وهبة، كان حقيقي.
وواصلت: "الفكرة كلها ان أنا خدت تمكين عشان حاجتي وهدومي وكل حاجة متعلقة بيا، خرجت وجيت تاني يوم أخد حاجتي، وكدة كدة رفعت قضية طلاق، اتمكنا عشان أخد هدومي وحاجتي ورحت امبارح مع بابا، ووقف بره بعد ما حسن شاكوش طرده، وأهله وصلوا بعد نص ساعة، كدة كدة مش هينفع أعيش مع واحد مهددني بالقتل، وحلقة (شيخ العرافين) كل اللي اتقال فيها صدق وأنا اللي اتضحك عليا".
وواصلت": "أهله على راسي بس هم كانوا مهددني، وأنا أثبت ده في محضر في القسم، والتمكين أنا خدته، ومكنش ينفع أرجع لأن أهله كانوا في البيت، طلعت على القسم وعملت محضر، وروحت النهاردة الصبح البيت عشان معايا تمكين ومفتاح البيت، ولقيت الأمن بيقولي أستاذ حسن مش جوة ومنعرفش إنك اتمكنتي، والنجدة جاتلي وهو امتنع عن تنفيذ قرار النيابة وحكم المحكمة وكلم أمن الكامبوند وقال لهم تطلع على القسم وتروح تشوف لها حل مش هتخش، ولما جت النجدة قالوا له ان هو امبارح قالهم أنا طلقتها، وهي ملهاش تمكين، وحتى لو طلقني لي شهور عدة 3 شهور، والتمكين مش معناه اني أعيش معاه".
وتابعت: "هو ممتنع إنه يديني حاجتي حتى لبسي وورق القائمة والمؤخر، وهو اختلطت عليه الأمور أنه هيعرف يعمل كدة مع مين، أنا من بعد ما فتحت الأكاونت ده وصل لي من كذا بلد إن بنات متاخد منها حقوقها وفلوسها وهدايا ألماظ وسيارات وورق عرفي، عملت كل ده مع الناس دي عشان مكنش الكلام بينكم رسمي، من المغرب والجزائر ودبي والكويت والتجمع، الناس مستوية منك".
وكانت وجهت ريم زوجة المطرب الشعبي حسن شاكوش الشكر لكل من وقف بجانبها فى أزمتها، مؤكده أنها ستخرج لتعلن خبر طلاقها بمجرد حدوثه.
وقالت ريم طارق، فى بث مباشر لها عبر صفحتها الشخصية على موقع تبادل الصور والفيديوهات "إنستجرام":" خلاص مابقاش في بيت.. كل شخص فيه الحلو وفيه الوحش"، وتهربت من الرد على سؤال إحدي المتابعات حول صحة ارتباطها بشخصين قبل حسن شاكوش.
وتابعت " فى الأول والاخر كلنا بنات وفى الأول عاتبت على واحدة وربنا وراني يمكن يكون جاب حقها"،" متابعة،" خلاص مابقاش فى بيت ومابقاش فى سر ولما يطلق هطلع وأقولكم".
