دموعي لسه مانشفتش.. رسالة مؤثرة من زوج فى الذكري الأولي لوفاة زوجته
كتب طبيب شاب رسالة مؤثرة عن زوجته التى رحلت عن عالمنا العام الماضي وهو يتذكر حياته معها قائلا"عيشت معاها اجمل سنه فيحياتي واحنا مخطوبين لا عمرها اتشرطت وقالت لون الدهان مش عجبني ولا لون السيراميك وحش.. امي الله يرحمها كانت تقولها ما تقولييا بنتي انتي عاوزه ايه في الشقه نعملهولك تقولها انا عاوزه ابنكم ومش عاوزه حاجه تانية".
وتابع الزوج،"عيشت معاها 8 سنين في الجنه لا عمرها اشتكت من قله الفلوس ولا عمرها طلبت مني حاجه فوق طاقتي كنت اقولها اناهسافر علشان نعيش مرتاحين تقولي انا مرتاحه وانتي جنبي وانا مش محتاجه منك حاجه غير انك تكون معايا مش عاوزه حاجه غيرك لمااكون غلطان واتعصب عليها تقولي انا اسفه انا عارفه انك شغال في الحالات الحرجه والطوارئ وبتشوف اللي محدش يقدر يتحمله فحقكانك تتعصب وانا واجبي اني اهديك علشان انت بتتعب علشاني من حنيتها علي اخواتي وعيالهم لحد الان بيعيطوا عليها مش متخيلين انهاخلاص مبقتش موجوده".
وقال،" وقفت معايا في شغلي واستحملت كتير لحد اما بقينا رقم واحد وكل دا بفضل ربنا ثم بفضلها عليا لا عمري هنكر فضلها عليا بعدربنا ولا انها كانت الحياه بالنسبه ليا عمري ما اكلت في حياتي اكل حلو غير من ايديها حتي الملح كان طعمه مسكر مدام هي مسكتهبايدها لما عملت الحادثه كانت بقولها لو مش عاوزه تكملي معايا انا مش هزعل كانت بتقولي هو انا لقياك في الشارع علشان اسيبك وبعدينهو انت تعيشني اجمل 7 سنين في حياتي ومش عاوزني استحمل 5 او 6 شهور".
واستطرد الزوج عن رسالته لزوجته المتوفية،"لما ماتت كنت مفكر ان الناس هتنساها وحده زي اي وحده ماتت بس الغريب ان يمر علي وفاتهاسنه والاقي الناس بتكلمني من السعوديه وبتقولي والله كل مره بننزل الحرم بندعي لعبير مفيش حد نساها لانها عمرها لا خذلت حد ولازعلت حد ولا قالت كلمه وحشه في حق حد عدت سنه وبدل ما نحتفل بمرور 8 سنين جواز بقت زكري وفاه روحي سنه من الوجع والقهر..سنهمن عدم الامان.. سنه من المهدئات
سنه لا عارف اكل ولا اشرب ولا انام.. سنه وروفان ورحيم متبهدلين.. سنه من التوهان انك تبقي ماشي ومش عارف رايح فين.، سنه عدتهابالثانيه والدقيقه والساعه واليوم والاسبوع والشهر .. سنه والدموع لسه منشفتش،. سنه والوجع زي ما هو .. عمري ما كنت اتخيل ان روحيتفارق جسدي وابقي عايش بدون روح.. سنه عايش زي الاله لا في احساس ولا مشاعر ..سنه وبتخيلها في كل تفاصيل حياتي.. سنهومدخلتش شقتي ولا هدخلها بعدها".
وقال،" انا كنت بحب كل ايامها كنت بقولها انا بكره الليل علشان بنام ومش بفضل شايفك مع انك في حضني كانت بتقولي انا مش هطير انا موجوده اهو هروح فين يعني انا بفتش في حاجه كانت بتعملها وحشه علشان تكرهني فيها علشان اعرف اعيش مش لاقي كل مواقفها بتخليني اعيط لما افتكرها.. كانتهي اللي بتطبطت وتهون وتشيل عني كانت نسمه العيله كلها كانت العيد في كل عيد كانت عصفوره البيت كانت الجنه بتظهر في وشها لماتضحك".
وقال،"امي كانت بتقولها مفيش ام بتحب حد اكتر من عيالها بس والله يا بنتي بحبك اكتر من عيالي..الحمد لله علي كل شئ.. كل ابتلاءبيحصلنا ما هو الا كرم وفضل من ربنا ولازم نكون مؤمنين بيه لعل الله ان يدخلنا الجنه بصبرنا علي الابتلاء فضلا وليس امرا الدعاء لعبير ".
