برلنتي عامر عن سعد الصغير: بيراقبني من تليفونه وخايف من الفضيحة (خاص)
استغاثت برلنتي عامر من زوجها الفنان سعد الصغير، بسبب تعرضها لتهديدات منه مستمرة، مشيرة إلى إنه خائف منها ويحاول منع تواصلها مع أي شخص حتى لا تفضحه.
وقالت برلنتي عامر في تصريحات خاصة لـ"مصر تايمز":"أنا ماسكة على يعد اسكرينات وحاجات توديه في داهية هو فضح عرضي وشرفي والمخدرات جننته وبيهددني كل شوية وبيراقبني من تلفونه ومش عارفة اعمل اي حاجة وبيحاول يبعدني عن الإعلام علشان عارف اني هفضحه ".
وظهرت برلنتي في بث مباشر عبر صفحتها الرسمية بموقع “فيسبوك”، وقالت: “أنا مرعوبة من تهديداته وكل الناس سكتت علشان أداهم فلوس وكلم البواب علشان يركبلي كاميرات في أوضة النوم ويصورني وأنا عريانة والناس تشوف جسمي أنا عايزة حقي ولو بكدب أحبسوني وحسبي الله ونعم الوكيل”.
من جانبه، كشفت برلنتي عامر، زوجة الفنان سعد الصغير، حقيقة انفصالها عن المطرب الشعبي، خلال الفترة الماضية، بعد اكتشافها لخيانته المستمرة.
وقالت برلنتي عامر في تصريحات تليفزيونية: أكتشفت خيانة سعد، لأننا منزلين ابلكيشن عند بعض وبنشوف كل يوم بشوف بيروح فين، ولقيته في مكان في حدائق الأهرام، وعرفت أنه بيقابل واحدة معرفة ولكن مش صاحبتي، وقابلتني من 3 سنين قالتلي هخطف منك سعد، ومزهقتش وفضلت وراه، ولما عرفت كلمتها اتصدمت في سعد نفسه ازاي يعمل كدا وهو من 3 سنين كان بيشتم عليها وعملها بلوك.
