خلى بالك.. على غرار "هوج بول" وسيلة جديدة للنصب على المواطنين

حذرت فتاة تسمي "موني هاني" من وسيلة جديدة لخداع المصريين وسرقة أموالهم على طريقة النصب مؤخرا لمنصة "هوج بول"، وقال صاحب الواقعة،" ياجماعه اخويا حصل معاه الكلام ده هام جداً جداً جداً خطير جدا كارثة بكل المقاييس اللى حصل أنهم بعتولى فى البداية رساله على الواتس اب اني لو محتاج تشتغل فري لانسر فى الوقت الفاضى..قولت لهم تمام بعتولى لينك تليجرام وفى لينكات صفحات فيس بوك اعمل لايك عليها بعدها يبعتولى فلوس على فودافون كاش.. الموضوع يكرروه اكثر من ..بعدها يقولك ادفع 300جنيه وتدخل على لينك اسمه robin pro ويتابع معاك حد برضوا من خلال التليجرام و يحسسك أن انت بتعمل مهمة سرية... المهم بعدها يبعتلك ال300 وعليهم 90 جنيه . تمام".

وقالت،" بعدها يحطلك شروط على لينك التليجرام الجروب العام أن ماينفعش تدفع 300 جنيه تاني لازم تضاعف الرقم بعدها يخليك تدفع 800 جنيه ويبعتهولك 1250 ..طبعا انت كده بالنسبالك هتصدق أن ده موضوع جميل ومافيش مشكلة لغاية دلوقتى..تيجي بقى ... يحطلك شرط ال 4 مهمات يعنى تدفع 4 مرات وكل مرة يتضاعف الرقم يعني تدفع 800 وبعدها تدفع 5000 وبعدها تدفع 19999 وبعدها تدفع 39999 وهكذا....تدخل دوامه دفع وانت مش عارف أخرج منهم وتيجي تطلب فلوسك يقولك لازم تدفع تاني .... فتضطر انك تدفع تاني علشان ترجع الاولانى وفى الاخر يقولك ده الموقع خسر و للاسف مافيش حد تعرف تتواصل معاه وحتى الارقام اللى انت بتحولها الفلوس مقفوله وتيجي تتصل بفودافون يقولولك مالناش دعوه بلغ النيابة اتنصب عليا فى فلوس كتير للأسف ومش عارف اعمل ايه بعد اذنكم جميعاً اعملوا شير للبوست ده لان فى ضحايا كتير و ناس كتير لسه مازالت بتستدرج