كان عايز يسرقها.. عايدة غنيم تروي تفاصيل مقتل والدتها

حكت الفنانة عايدة غنيم تفاصيل مقتل والدتها، والصدمة النفسية التي تعرضت لها بعدما اكتشفت جثتها في بيتها.

وقالت عايدة غنيم خلال لقائها مع الإعلامية ياسمين عز ببرنامج "كلام الناس" المذاع عبر قناة MBC مصر: "قعدت 40 يوم فاقدة النطق من منظر الحادثة اللي شوفته أنا متعودة أكلم ماما علطول أطمن عليها، ولما متردش بتشوف رقمي وتتصل، ويومها طول الطريق وأنا رايحة بروفة المسرح كانت مش بترد ولا بتتصل، فقلقت عليها وخاصة إنها كانت تعبانة، وبدل ما أروح المسرح روحت على بيتها".

أضافت: “رنيت الجرس ومفيش حد فتح الباب، وسامعة صوت الموبايل بيرن في البيت، قلت يمكن حصل لها إغماء، وطلبت من الجيران يكسروا الباب الدنيا كانت ظلام كحل، جريت على البيت واتكعبلت فيها كانت واقعة على الأرض، وصرخت أول ما نوروا النور”.

وتابعت "اللى قتلها كان عايز يسرقها علشان فاكر معاها فلوس وبنتها فنانة وكان ساعتها اللى قتها عنده 25 سنة واتحكم عليه بالمؤبد"، موضحه “ الراجل ده أمه ماتت فى حادثة على الدائري ومراته ولدت وهو مايعرفش عن ابنه حاجة”.