شقق مشبوهة ومحلات خمور.. ماذا يحدث داخل كمبوند "دجلة جاردنز"
استغاث أحد المواطنين من عدم الأمان والإهمال داخل كمبوند دجلة جاردنز المملوك لشركة معمار المرشدي"، مطالبا المسئولين وكمظومة الشكاوي الحكومية بمجلس الوزراء بالتدخل أو محاولة لحل الأمر.
وقال المواطن فى شكواه" مساء الخير انا احد ملاك كومبوند دجلة جاردنز المملوك لشركة معمارالمرشدي انا مش هتكلم كتير و تكفي الصور اللي بتوضح حجم المأساه اللي بينعيشها في المكان ده من انعدام تواجد الامن لعدم وجود صيانة لتصحر المساحات الخضراء و عدم و جود نظافة للنوافير اللي بقيت عبارة عن برك و مياه راكدة الكلاب قاعدة فيها لعدم اكتمال السور و الكاميرات اللي راكبة بدون ماتكون شغالة .. والشقق المشبوهه بسبب انعدام الامن والبوابات اللي بتكون متسابه علي البحري اي حد داخل و اي حد خارج وعدم اكتمال السور".
وتابع المواطن صاحب المشكلة مع دجلة جاردنز لمعمار المرشدي،" لمحل الخمور اللي فاتح في احد المولات اللي بسبب بيتواجد اشكال مايعلم بيها الا ربنا ومأخرا ظهور النباشين اللي بينبشوا صناديق القمامة و اللي تم وصدهم من اكتر من حد من جيرنا انا مش طالب غير اننا نلاقي حل للقرف اللي احنا بقينا عايشين فيه ده وعاوزين نعرف فلوسنا فين بتاعة وديعة الصيانة المكان مسئول من شركة تابعة لمعمار المرشيدي اسمها دلمار شركة اسوء مايكون موظفين مابيتحركوش من مكاتبهم و مابيردوش علي حد من السكان و كل ما حد يشتكي يقولوله اتصل بالخط الساخن اللي كل اللي بيعمله بيقوله تم تسجيل الشكوي شكرا".
وكان متضرري شركة معمار المرشدي قد دشنوا حملة على موقع التواصل الاجتماعي فيس بوك لتحذير غيرهم من الشراء أو التعامل مع الشركة بعدالوقائع المتكررة والتي كان أخرها واقعة الصيدلي، خاصة بعد السخرية التي تم اطلاقها على مشروع زهرة الساحل الشمالي.
وقال أحد المتضررين ،" بصراحة مشروع زهرة ده لغز، كل سنة يجيب نجوم مختلفين للتسويق، ويغرق القنوات اعلانات علما إن الاعلانفي رمضان بيتحسب بالثانية مش بالدقيقة. ومع ذلك مش بيبنوا، طب ما تبنوا بفلوس الاعلانات، ولا هي غلاسة وخلاص؟
وقال أخر،"انا هاقولك تجربتي انا الشخصية مع معمار المرشدي.. اشتريت في كومبوند دجلة بالمز حدايق اكتوبر، شقتي كانت المفروضمرحلة تالتة والمرحلة التالتة ديه كانت اكتر مرحلة فيها لاندسكيب.. التسليم اتأخر ٣ سنين كاملين ولما جينا نستلم لقينا مافيش لاندسكيبعشان بني عليهم عمارات، طبعاً فيه قضية تعويض مرفوعه من الملاك دلوقتي عشان ده مخالف لبنود العقد
