منال الصيفي تكشف تطورات حالة زوجها أشرف مصيلحي (خاص)
كشفت المخرجة منال الصيفي، تتطورات الخالة الصحية لـ زوجها الفنان أشرف المصيلحى، بعد تعرضه لوعكة، وطالب عدد كبير من النجوم الدعاء له بالشفاء العاجل.
منال الصيفي تكشف تطورات حالة زوجها أشرف مصيلحي (خاص)
وقالت منال الصيفي خلال تصريحاتها الخاصة لـ "مصر تايمز": "احنا من وقت ما خرجنا من المستشفى، ولا يوجد تتطور في حالته الصحية، حالته صعبة وملهاش علاج لكن هي زي ما هي متدهورتش ولا تحسنت، وأولادنا بيقعدوا يتكلموا معاه لكن مش عارفين هل حاسس بينا ولا لأ".
وتابعت: "احنا خرجنا من المستشفى بأمر من الطبيب، لأن هو مناعته ضعيفة فممكن يتعب من اقل حاجه، فخرجنا إلى البيت، ومعانا فريق تمريض في البيت، ودكاترة كما لو كان في المستشفى".
وكانت طالبت منال الصيفي زوجة الفنان أشرف مصيلحي من جمهوره ومتابعيه، المتواجدين في مصر ومختلف الدول العربية الدعاء له، وذلك عقب تدهور حالته الصحية وإحتجازه بالرعاية المركزة.
وجهت زوجة الفنان رسالة له عبر حسابها الشخصي بموقع "فيسبوك"، قائلة: "أشرف مصيلحي أجمل وأحن وأجدع راجل قابلته في حياتي جوزي وأبو ولادي اللي حقيقي أثبت أنه أجمل وأروع أب في الدنيا".
وأضافت "ربنا يشفيك ويعافيك ويخليك ليا ولولادك ضهر وسند يا عشره العمر يا جدع عمري ما فكرت أتكلم عنك ولا أشكرك مش عارفة ليه يمكن لأني مكنتش حاسه إنك محتاج اني أشكرك في يوم من الأيام".
وتابعت "بس حقيقي دلوقتي حابه الناس كلها تعرف إنك حقيقي راجل بمعني الكلمه وأب رائع وزوج رائع وسند وضهر لكل اللي عرفوك ربنا يبعد عنك الشر ويشفيك ويحميك يارب ويخليك لينا يارب.. يارب أنت الشافي المعافي ربنا يشفيك يارب".
