ياسمين عز تتصدر تريند "جوجل".. والسبب تامر حسني

ياسمين عز.. تصدرت المذيعة ياسمين عز السوشيال ميديا بعدما دافعت عن الفنان تامر حسنى، قائلة أنه “كل ما يقدم عمل جديد يجد متربصين له”.

وقالت ياسمين عز خلال برنامج “كلام الناس” المذاع عبر قناة “ام بى سى مصر”، أنه كلما قدم تامر حسنى عمل جديد تبدأ اللجان الإلكترونية في مهاجمته، معقبة: "كل أعماله ناجحة وبتكسر الدنيا وفيه ناس كتير غيرانه من نجاحه".

وتابعت ياسمين عز: “تامر حسنى عدى مرحلة الحكم على موهبته، تامر وهو نايم ممكن يألف أغنية، هو الفنان الشامل الوحيد اللى ظهر بعد عبدالحليم حافظ”.

ياسمين عز تثير الجدل: ضرتك اللي تعرفيها أحسن من اللي ماتعرفهاش
 

عادت من جديد الإعلامية ياسمين عز لإثارت الجدل بتصريحاتها عن زواج الرجل من زوجة شقيقه المتوفي، مشيرة إلي أن هذا الأولي زواجها لشخص غريب.

وخلال برنامجها “كلام الناس”، قالـت، "فيها ايه لما جوزك يتجوز سلفتك.. الراجل بيعمل هدف إنساني وضرتك اللي تعرفيها أحسن من اللي متعرفيهاش."

وأضافت: ليه لما رفيع بيه حب فرحة أرملة اخوه قعدتوا تهللوا ولما ده يحصل في الحقيقة تعترضوا وتقولوا مايصحش وماينفعش.

ياسمين عز تنفعل على متصلة بالهواء : ماتقوليش حاجات مش فيا
 

انفعلت الإعلامية ياسمين عز على متصلة اسمها هالة بعد أن قالت لها الأخيرة “ 70% من ستات مصر بيصرفوا على بيوتهم وانتى متجنيه على المرأة المصرية وستات مصر وتقولى فرعوني ومش فرعوني”.

لتنفعل عليها ياسمين عز قائلة “ ماتاخديش الكلام فى حتة تانة أنا مرأة مصرية وأمى مرأة مصرية وبحترم المرأة المصرية.. ولما تيجي فى الحتة دى ماتقوليش حاجات مش فيا أنا بأكون حادة”.

وكانت الإعلامية ياسمين عز قد ردت على متابع سألها عن كيفية إخباره لزوجته بزواجه من سيدة أخري قائلة ، "يبدأ بقراءة الفاتحة لأن المكتوب على الجبين هتشوفه العين.. وبعدين اتجوزت عليها ليه ابعتلى رسالة وقولي علشان أعرف افيدك.

وقالت ياسمين عز خلال حلقتها ببرنامج “كلام الناس” عن المتزوج من موظفة البنك ،" موظفة البنك هتلاقيها بتأكل ومابتتخنش هتبقي "سوبر موديل" ومواعيدها ثابتة وهتلاقيها بتصوصو في البيت من كتر احتكاكها بالعملاء

وكانت الإعلامية ياسمين عز قد وجهت حديثها إلى زوجات مشجعي نادي الزمالك قائلة: "الفرعون الزمالكاوى الله يكون فى عونه، شايل فوق طاقته، ومحتاج معاملة خاصة".

وأضافت ياسمين عز خلال برنامج “كلام الناس”، عبر قناة “ام بى سى مصر” قائلة: “بغض النظر عن نتيجة الهزيمة أمام الأهلي الفرعون الزملكاوي عنده أزمة ثقة في أقرب الناس ليه من بداية الموسم”.

وأضافت ياسمين عز: الزمالكاوى اللى شاريه باعه وخانته ثقته في كل أحبابه، واللعيبه سابت النادى ومشيت بلاش تقفي له علي الواحدة ولو مسك تليفونك قوليله خد راحتك ولو نزل في أي وقت متسألهوش رايح فين وجاي منين ولو رفض تنزلي تقولي له حاضر".