دياب يشارك جمهوره بصورة مجمعة من أعماله :" معرفش مين دول و لا طلعوا مني امتي"

شارك الفنان دياب جمهوره ومتابعية ، بمجموعة صور من أعماله ، عبر حسابه الشخصى على موقع التواصل الاجتماعي " إنستجرام" لتبادل الصور والفيديوهات .

وعلق الفنان دياب قائلاً :" تحية مني لهولاء ...اولاً انا بحمد ربنا علي كل حاجة انعم عليا بيها ..الشخصيات دول بدايةً من (هاني عدلي ابوباشا) وصولاً (لمدحت و الشيخ سالم و كُتكُت و الشيخ يوسف ) في رمضان ٢٠٢٠ كل واحد فيهم ساب فيا حتة منه ، و مع ان معظمهم اشرار بس كل واحد كان فيه لمحة طيبة جواه و دي اللي خلت اللي شافهم معرفش يكرههم برغم الشر اللي بيطلع منهم لأن الجمهور حساس و ذكي و بيفهم جداً و شايف و حاسس نفس اللي انا شوفته فيهم و انا بقرا كل دور منهم و الحمدلله ان ربنا انعم عليا اني اقدر اوصل بيهم لناس كتير و الناس تتفاعل معاهم بالحب ده" .

وتابع قائلاً :" في النهاية و انا ببص علي الصورة دي انا مش شايف نفسي ولا واحد في دول و معرفش مين دول و لا طلعوا مني امتي !! بس هو كله توفيق و نفحات من عند ربنا مش اكتر و من توكل علي الله فهو حسبه و نصيره " .

ويذكر أن آخر أعمال الفنان دياب فى رمضان الماضى، مسلسل "فرصة تانية " مع ياسمين صبرى، ومسلسل "ليالينا "مع إياد نصار،كما ظهر ضيف شرف فى مسلسلين هما "الاختيار"، و"البرنس" .