اهرب ده أسوأ مطور عقاري.. تعليقات ساخرة على مشروع "زهرة" لـ معمار المرشدي
حذر عدد كبير من المواطنين غيرهم من الشراء فى مشروع زهرة لمعمار المرشدي بسبب عدم مصداقية الشركة ، جاء ذلك ردا على سؤال لأحد المواطنين على السوشيال ميديا حول الشراء فى زهرة معمار المرشدي.
وجاءت تعليقات المواطنين تحذيرية بعدم التعامل مع معمار المرشدي باعتباره أسوأ مطور عقاري فى مصر ، على حد قولهم ، وقال اخر" اهرب دول مابيكملوش اي مشروع ليهم.
وكات أحد المواطنين قد استغاث من عدم الأمان والإهمال داخل كمبوند دجلة جاردنز المملوك لشركة معمار المرشدي"، مطالبا المسئولين وكمظومة الشكاوي الحكومية بمجلس الوزراء بالتدخل أو محاولة لحل الأمر.
وقال المواطن فى شكواه" مساء الخير انا احد ملاك كومبوند دجلة جاردنز المملوك لشركة معمارالمرشدي انا مش هتكلم كتير و تكفي الصور اللي بتوضح حجم المأساه اللي بينعيشها في المكان ده من انعدام تواجد الامن لعدم وجود صيانة لتصحر المساحات الخضراء و عدم و جود نظافة للنوافير اللي بقيت عبارة عن برك و مياه راكدة الكلاب قاعدة فيها لعدم اكتمال السور و الكاميرات اللي راكبة بدون ماتكون شغالة .. والشقق المشبوهه بسبب انعدام الامن والبوابات اللي بتكون متسابه علي البحري اي حد داخل و اي حد خارج وعدم اكتمال السور".
وتابع المواطن صاحب المشكلة مع دجلة جاردنز لمعمار المرشدي،" لمحل الخمور اللي فاتح في احد المولات اللي بسبب بيتواجد اشكال مايعلم بيها الا ربنا ومأخرا ظهور النباشين اللي بينبشوا صناديق القمامة و اللي تم وصدهم من اكتر من حد من جيرنا انا مش طالب غير اننا نلاقي حل للقرف اللي احنا بقينا عايشين فيه ده وعاوزين نعرف فلوسنا فين بتاعة وديعة الصيانة المكان مسئول من شركة تابعة لمعمار المرشيدي اسمها دلمار شركة اسوء مايكون موظفين مابيتحركوش من مكاتبهم و مابيردوش علي حد من السكان و كل ما حد يشتكي يقولوله اتصل بالخط الساخن اللي كل اللي بيعمله بيقوله تم تسجيل الشكوي شكرا".
