خلوا بالكم من دولاراتكم.. مواطن يحذر من شركة أليانز للتأمين
حذر مواطن من التعامل مع شركة أليانز للتأمين بسبب تلاعبها فى الألفاظ والأوراق أثناء التعامل مع العملاء ، على حد قوله.
وقال صاحب الواقعة ،"عملت وثيقة دولاريه مع شركة أليانز للتأمين بمدة دفع 10 عشر سنوات و تفاجأت عند إصدار الوثيقة إن مدة الدفع لمدة 39 سنه متخيل ادفع 39 سنه بالدولار ورفضت طبعا أوقع الوثيقة و قولت للموظفه إن دا تلاعب بالألفاظ و بأوراق رسميه وطبعاً عملت شكوي ل خدمة العملاء و كمان أبلغت موظفة الفرع إن فيه تلاعب بالألفاظ لتغيير بيانات الوثيقة بدون علم العميل و قالوا ادفع لمدة سنه و بعدين نغير المدة".
وتابع عن مشكلته مع شركة أليانز للتأمين ،"رفضت طبعاً الكلام ده و حاولوا بشتي الطرق ابقي معهم و رفضت و أصريت علي إلغاء الوثيقة وتوجهت للفرع و بالفعل تم إلغاء الوثيقة منذ ٧/١٢ و أكدت في بيانات الإلغاء إن المبلغ يدخل في حسابي و الموظفه اخدت صورة من حسابي الدولاري علشان ترفقه بالايميل و المبلغ يدخل الحساب و بعد اسبوع عمل اتصل بيهم يقولوا تم إصدار شيك في فرع بنك التجمع الخامس رغم إني لم أطلب إصدار شيك طب يا جماعه ازاي و أنا من كفرالشيخ و طلبت إن المبلغ يدخل الحساب مش إصدار شيك قالوا خلاص قدم طلب بالايميل قدمت طلبااااااااات كتير جدًا و تواصلت مع خدمة العملاء عشرات المرات و كل مرة بعذر شكل و إلي الآن لم أسترد المبلغ".
