بسبب الحجاب.. خالد الفايد نجم ذا فويس كيدز يثير الجدل بعد تراجعه عن اعتزال الغناء

أثار المطرب الشاب خالد الفايد نجم برنامج ذا فويس كيدز الجدل بعد قرار عودته للفن والغناء مرة أخرى بعد قرار اعتزاله وذلك بعد نشره تعليق على مشهد لبنت ترتدى الحجاب.

وقال خالد الفايد،" من 5 دقايق بالظبط لقيت بنت صغيره عندها حوالي 3 او 4 سنين ..للاسف البنت الصغيره واقفه وابوها ملبسها حجاب مغطيها من فوقها لتحتها للاسف البنت فاقده للبسمه وجمال الطفوله .. هما حرين يعملوا اللي عايزينه محدش يقدر يفرض عليهم حاجه بس والله منظر البنت متعب نفسيا بدال ما ياخدها يوديها الملاهي ويخرجها ويضحكها ويلعب معاها ملبسها حجاب من فوقها لتحتها والبنت واقفه باصه ف الارض وهو لابس بنطلون وقميص وعايش حياته ومنكد ع البنوته الصغيره وبيستغربوا ليه بناتهم بيطلعوا معقدين نفسيا ومشوهين فكريا !!ربنا معاكي ي بنتي والله".

وقال خالد الفايد بعد تعرضه للهجوم بسبب هذا المنشور" أنا شلت كل اللى تفكيرهم ارهابى من عندى".

وكان المطرب الشاب خالد الفايد قد فاجأ متابعيه بالتراجع عن قرار الاعتزال، موجها رسالة اعتذار للمنتج هاني محروس، ونشر خالد الفايد عبر حسابه في موقع التواصل الاجتماعي فيسبوك صورة تجمعه بالمنتج هاني محروس.

وكتب : "أكبر غلطه عملتها ف حياتي اني سمعت كلام الناس. كنت مخلص من قلبي ..لكن شفت منهم عكس كدا. وربنا يكفيكم شر اللعب ف الودن والكلام الفارغ ربنا يبعد عنكم اي حد بيستغلكم ويضحك عليكم باسم الدين

وأضاف: "ربنا يبعد عنكم اي حد عامل فيها مولانا وهو عطاط. صدقوني في حاجات مش هقدر اشرحها ليكم. ومش هقدر اقول غير اني اتسرعت وغلطت ف هاني محروس غلط كبير بسبب اني اديت ودني للناس وسيبتهم يتكلموا ويولعوا براحتهم اوعي تسلم ودنك لحد وتخليه يبخ فيها سموم. دا درس اتعلمته حبيت اوضحه علشان محدش يقع في نفس غلطتي".