بعد هبة مجدى.. فتاة تحذر من مطعم "ماكدونالدز": اللحمة ريحتها وحشة

حذرت فتاة من تناول وجبات من مطعم ماكدونالدز بسبب سوء الطعام المقدم ، لتأتى هذه الشكوى بعد واقعتني تسمم منهم واقعة تسمم الفنانة هبة مجدى وابنتها بسبب وجبة ماكدونالدز.

وقالت الفتاة ، " طلبنا اوردر من ماكدونالدز الفرع اللي عند الجامعة الامريكية يوم ١٣/٨ وكان فيه 2 ساندوتش ماسترد برجر الجديد فتحنا الساندوتشات لقيناها نيّة زي ماهو باين ف اول صورة طلبنا الكول سنتر وبلغونا انه هيبدلوا الاوردر".

وقالت الفتاة ،" كنا فاكرين ان احنا هناكل احلى ساندوتشات بقى من ماكدونالدز بسبب شكوتنا دي اللي حصل ان الساندوتشات الجديدة اللي جت اسوء 100 مرة من الأولانية … اللحمة لونها احمر وريحتها مش حلوة خالص ونيّة اكتر من الاولانية… رجعنا كلمنا الكول سنتر تاني اللي فضل يقنعنا انه اللحمة في الساندوتش ده بتبقى عاملة زي لحمة "الكفتة" وهي كدة مستوية .. مش عارفين ايه العلاقة بين الكفتة وبين ان اللحمة تبقى نيّة وريحتها وحشة .. وفضلنا في نقاش طويل ومقاوحة بصراحة ف ان الساندوتش ده طبيعي يكون كدة… وطبعا طلبنا ان الفلوس ترجعلنا وده اللي حصل..السؤال بقى هو ده منظر ساندوتش طبيعي يخرج من ماكدونالدز؟؟؟ وكل اللي حصل ده طبيعي؟؟".

وبعد واقعة تسمم الفنانة هبة مجدى وابنتها بعد تناولهم وجبة ماكدونالدز، كشفت فتاة عن تعرضها للتسمم بعد تناول وجبة المطعم الشهير فى منطقة الشاطبى.

وقالت الفتاة “ طلبت اوردر بليل من ماكدونالدز فرع لشاطبي ومن ساعه ما كلت منه وانا سكاكين بتقطع ف بطني واسهال لحد مارحت المستشفي وعلقولي محلول وقالولي ميكروب فيروسي من الاكل ( تسمم) حقيقي اخر مره هطلب منه ومنهم لله مش بيراعو ربنا”.

وكانت الفنانة هبة مجدي قد حذرت من مطعم ماكدونالدز " بعد تعرضها وابنتها لوعكة صحية بعد تناولهم وجبة من المطعم الشهير.

وقالت الفنانة فى منضور عبر صفحتها على مواقع التواصل الاجتماعي فيس بوك ، بعد نشرها صورتها وابنتها من المستشفي،" يا جماعة محدش ياكل من ماكدونالدز  وخصوصا فرع التجمع اللي جنب مدارس نارمر وكابيتا .. أنا ودهب اكلنا منه امبارح ولسه خارجين من المستشفي".

وعلق الفنان محمد محسن، على واقعة دخول زوجته الفنانة هبة مجدي وابنته المستشفى، عبر حسابه بموقع التواصل الاجتماعي فيسبوك.

وكتب محمد محسن: "احذروا ماكدونالدز! هبة مراتي ودهب بنتي جالهم تسمم امبارح بسبب أكل في مطعم شهير وطول الليل في المستشفى .. حبيت أقولكم تحذروه وتتجنبوه لأن دي مش أول مرة. هم الحمد لله بقوا كويسين دلوقت والحمد لله على كل شيء".