"هتبقى تاريخ زي الارهاب".. رسالة هامة من السيسي للمواطنين بشأن الأزمة الاقتصادية

التقى الرئيس عبدالفتاح السيسي، اليوم الأربعاء، بأهالي مطروح والسلوم وسيدي براني، وذلك على هامش زيارته لمدينة السلوم.

"هتبقى تاريخ زي الارهاب".. رسالة هامة من السيسي للمواطنين بشأن الأزمة الاقتصادية 

ونفى الرئيس السيسي، وجود مكان في مصر لم تصل إليه يد التطوير والتنمية، بداية من أسوان وحتى الإسكندرية والسلوم، قائلًا إن الدولة وضعت رؤية لمكانتها واقتصادها وشكلها، حتى عام 2030.

وذكر أن مصر تعرضت لأزمتين خلال الأعوام الماضية، لم تكن سببًا فيهما إطلاقًا، معقبًا: "أزمة كورونا كان لها تأثير كبير على العالم، وإحنا مش السبب فيها، والحرب الروسية وآثارها، كمصر لم نأخذ قرارًا ورطنا فيه الدولة المصرية".

وأضاف الرئيس السيسي: "إحنا في أزمة صحيح وبتكلم معاكم بكل وضوح، لكن ما نمر به هو تحدٍ من ضمن التحديات الكبيرة اللي قابلنها".

وأكد الرئيس عبد الفتاح السيسي، أن الدولة استطاعت حل مشكلة المياه التي كانت تعاني منها محافظة مطروح منذ 7 سنوات، موضحا: "من 7 سنين كانت فيها مشكلة مياه.. وفرنا مياه شرب كامل لمطروح.. وفق خطة لتحلية المياه وتوفيرها للمدن الساحلية على البحر المتوسط.. برنامج محطات لتحلية مياه البحر ودي اللى هتوصل لأهالينا في المدن دي". 

وأضاف الرئيس السيسي، خلال كلمته في لقاء مع أهالي مطروح: "المطالب كتير لأن احنا متأخرين كتير.. ويمكن اللى بنقول بنشتغل على كامل الدولة قصدت بيها ان محتاجين نعمل كتير اوي.. مش طريق بس ومش مدرسة بس.. طريق ومدرسة وقطار وحاجات تانية كتير.. بنتكلم في 105 ملايين.. ولو مش اشتغلنا بهمة وعلى طول.. وأثناء كورونا كنا شغالين.. ودلوقتي شغالين وهنفضل شغالين كده". 

وتابع الرئيس السيسي: "التحدي الاقتصادي اللى أنا شايفه، والحكومة واحنا كلنا هنقدر نتجاوز المرحلة دي ويبقي تاريخ.. وهيبقي تاريخ زي الإرهاب وهتبقي تاريخ بفضل الله سبحانه وتعالي والظرف الاقتصادي الصعب دي هيبقي تاريخ إن شاء الله... وننفذ شبكة طرق متكاملة في كل محافظة مطروح".

وتحدث الرئيس السيسي خلال لقائه بأهالي مطروح عن مشكلة الكهرباء: "لما كان فيه أزمة كهرباء مش الانقطاع ده، الفترة اللي فاتت كان فيه أزمة كهرباء حقيقة وعديناها بفضل الله سبحانه وتعالى وجت الفترة اللي فاتت ذروة، واضطرينا نخفف الأحمال".

وأضاف الرئيس السيسي: "عشان تبقى واصلة للناس لأن حجم الوقود المطلوب عشان نشغل المحطات بعد التكلفة الزيادة في أسعار الوقود بقت عبء علينا هو إحنا الكهرباء ووقود السيارات بناخده نبيعه بالدولار ولا الجنيه؟ بنبيعه بالجنيه لكن بنشتريه بالدولار، لما يكون عندنا عبء نساع بعضنا.. إحنا مبنخبيش عليكم حاجة، متابعاً: "احنا بنبيع الوقود بالجنيه ولكننا بنشتريه للمحطات ولكل العربيات بالدولار، لما يكون فيه أزمة لازم نستحملها كلنا واحنا مبنخبيش عليكم حاجة، وكل تحدي هنقدر نعبره مش بجهد الدولة ولكن بفهم الناس وعملهم وصبرهم".

قال الرئيس عبد الفتاح السيسي، رئيس الجمهورية، إنه كانت هناك فترة لم تكن هناك فرصة للدولة للاهتمام بأهالي مطروح، اتصور أننا إن شاء الله في تحركاتنا هيكون في جهد وليس بالكلام، عمرنا ما قولنا هنعمل قبل ما نكون عملنا وبنفتتح.

وأضاف السيسي، خلال لقاءه مع أهالي مطروح اليوم الأربعاء، أن كل مشروع الطريق الذي تم إنشائه حتى مطروح يهدف إلى تحريك الناس والتجارة بيننا وبين أشقائنا في ليبيا عن طريق المنفذ، وهذا كلفنا الكثير من التكاليف، وتستفيد منه المواطنين، قائلًا: كل حاجة بتتعمل هنا ليها انعكاس ومردود على أهالي المحافظة.

ويزور الرئيس السيسي، مرسى مطروح والسلوم اليوم، لافتتاح عدد من المشروعات القومية والاستراتيجية في المنطقة الغربية على جميع المحاور.

وشهدت مطروح طفرة على مستوى المشروعات بإنشاء مستشفى النجيلة المركزي، وتطوير مستشفى السلوم المركزي، ومستشفى العلمين النموذجي، ومستشفى مطروح العام وتطوير الطريق الدولي الساحلي، وإنشاء مسارات بديلة تخفف من هذا الزحام، ورفع كفاءة شبكة الطرق والمحاور بالساحل الشمالي الغربي، لضمان سهولة الحركة والتنقل للمواطنين.

كما تضمنت المشروعات تطوير قلعة شالي وجامع أغورمي بسيوة بقيمة 600 ألف يورو، وتنفيذ مشروع الموائمة في البيئات الصحراوية بقيمة 81.6 مليون دولار، وتنفيذ مشروع حصاد المياه والممارسات الزراعية الجيدة بالمحافظة بقيمة 900 ألف يورو، إلى جانب إنشاء الخط الخامس بمصانع تعبئة المياه الطبيعية بسيوة بتكلفة وصلت إلى 141 مليون جنيه، وتمويل 503 مشاريع صغيرة ومتوسطة بالمحافظة بقيمة 54 مليون جنيه.