قالولنا خدوا فلوسكم ومع السلامة.. سيدة توثق تجربتها فى فندق شهير بالغردقة

حذرت سيدة من التعامل مع فندق Hurghada Long Beach Resort، وقالت السيدة ،" حجزنا ف الاوتيل دا من 3  شهور و احنا برة مصر تبع شركة سياحة و جينا اتفأجئنا بالمنظر البشع دا  نمل فى كل حتة - الحمام سئ جدا - السراير مش نظيفة - حاجة ف منتهى القذارة ".

وتابعت "اتصلت بالريسبشن و عملت مشكلة بعتولى room service ب ازازة ماية فيها كلور عشان ينظف الغرفة ( هل تنظيف الغرفة بيكون بالشكل دا ) طلبت تغيير الغرفة فورا رفضو بحجة ان مفيش اماكن مع ان امويا فى حد اخدو فرجو ع الغرف التانية بس قالو هتدفع فرق ال manager اللى صورتو موجودة دا حد ف قمة قلة الزوق رفض يحل اى مشكلة و قال مش عاجبكو خدو فلوسكو ومع السلامة ".

وقالت ،" طبعا و احنا واقفين كان فية اتنين عندهم نفس مشكلتنا بالظبط الصور اللى موجودة ع الويبسايت حاجة و الواقع حاجة تانية خالص طبعا ف الاخر اخدنا فلوسنا بس فضلنا ل الشارع ندور على مكان تانى نبات فية".