علاء مرسي: "لو رجع بيا الزمن مش هعمل مرعي البريمو" (فيديو)
أكد الفنان علاء مرسي على عدم رضاه عن دوره في فيلم "مرعي البريمو" للنجم محمد هنيدي، والذي انطلقت عروضه في السينمات مؤخرا.
علاء مرسي: "لو رجع بيا الزمن مش هعمل مرعي البريمو" (فيديو)
وقال علاء مرسي في تصريحات لقناة "رؤيا مصر": "مرعي البريمو فيلم لطيف خفيف، مش عايزين نديله أكثر من كده ولا نقلل من أهميته، فيلم العائلات دخلت انبسطت وخرجت ومفيش مزايدة، ولو مكانش في هجوم مسبق زيادة عن اللزوم على الفيلم كنت هتروح تتفرج عليه عادي".
وأضاف علاء مرسي: "ردود الأفعال متباينة، لكن في هجوم شديد مبالغ فيه على الفيلم، والهجوم من أساتذة نقاد أتقبله، لكن في ولد على فيسبوك شتمني أنا وهنيدي والمخرج سعيد حامد تقريبا بالأب والأم، وللأسف تتم دعوته لمهرجانات، ومسمي نفسه ناقد وعنده 7 مليون متابع بيقولوا آمين".
وكشف الفنان علاء مرسي عن حقيقة حذف مشاهد له من فيلم "مرعي البريمو"، قائلا: "مش حذف لكن الدور لا يرضي طموحي ومش دور مؤثر، والفكرة كانت إننا نعمل حاجات كويسة لكن لم يحدث ذلك، واللي أنا عامله مش وحش، مينفعش إنى اعتذر في ظرف خارجة عن إرادتنا جميعا، والنهار وقع، وبالتالي لم أصور الأربعة مشاهد المهمين واتشالوا من الفيلم»، مضيفا: «لو رجع بي الزمن لن أشارك في مرعي البريمو، لإني قبلت في لحظة معينة، دلوقتي مش هعمله، أو هطلب تعديل في السيناريو يرضي طموحي كفنان".
وأكد علاء مرسي ترحيبه بالتعاون مع هنيدي مجددا بقوله: "مشاركتي لم تكن مجاملة، وكنت ولا زلت مبسوط بالشغل مع هنيدي، ولو أعاد الكرة وطلبني في مرعي البريمو الجزء الثاني هروح لكن هطلب طلبات معينة في السيناريو".
محمود سعد يدافع عن محمد هنيدي: "مين عمل في حياته 50 عمل حلو"
رفض الإعلامي محمود سعد، الإنتقادات العنيفة التي تعرض لها الفنان محمد هنيدي بسبب فيلم "مرعي البريمو" الذي يعرض حالياً بدور العرض السينمائي.
أضاف محمود في بث مباشر على صفحته الشخصية على موقع "فيسبوك": "مين من أصحاب الاعمال الكبيرة على كافة المستويات هتلاقي المنورين في شغله 10 حاجات من خمسين، وأعمال أثرت في الناس، مين من الفنانين عمل في حياته 50 عمل حلو"
وتابع: "محمد هنيدي كان عامل اعلان من سنوات كأنه مسلسل، هو انسان طيب وموهوب وكريم على أهله ومبيهاجمش زمايله، أنا شوفته في بدايات ظهوره في أفلام مع أحمد زكي وعادل إمام وشوفت نجاحه وبعدين طلع ناس تانية، الدنيا بتتغير لكنه فنان كويس الناس بتحبه".
واصل محمود سعد دفاعه عن محمد هنيدي قائلاً، "قريت كذا نقد اتكلموا على أن الفيلم وحش لكن هو معملش جريمة يعني مين فنان كل أفلامه حلوة؟! لكن هو انسان جميل وعمل حاجات على المسرح حلوة يجب أن إحنا نساعده لأنه الفنان أما يبقى صادق بنعتبره جزء من الأسرة، الراجل بيجتهد وبيحاول يعمل حاجة حلوة في زمن فيه حاجات كتير ملغبطة ومجرد أنه بيحاول ده في حد ذاته له تقدير".
واستكمل محمود سعد، "الفيلم اتعرض مكملش ساعتين والناس قالت وفاة هنيدي الفنية، هو مين من أصحاب الأعمال الناجحة في كل المجالات متعرضش للفشل، كبار الفنانين والمبدعين في كل المجالات في الطب والسياسة والإعلام هتلاقي حاجات عادية وحاجات منورة وحاجات مش كويسة، وهنيدي أنا فاكر السنة اللي فاتت اواللي قبلها كان عامل إعلان كنت بحب اشوفه كانه مسلسل وهو انسان طيب وجدع ومبيهاجمش حد وانا شوفت بداياته في فيلم الهروب وافلام مع عادل إمام وكان لسة صغير وهو حاول يعمل افلام حلوة".
