"مفيش فلوس ولا صفقات".. خالد الغندور يوجه رسالة نارية لجماهير الزمالك

شن الأعلامي خالد الغندور، هجومًا قويًا على جماهير نادي الزمالك، بعد غضبهم خلال الفترة الماضية، بشأن الصفقات الصيفية التي لم تتحرك الأدارة لحلها وأزمات النادي المتتالية في جميع الألعاب.

"مفيش فلوس ولا صفقات".. خالد الغندور يوجه رسالة نارية لجماهير الزمالك

وقال خالد الغندور عبر بث مباشر على حسابه بموقع التواصل الاجتماعي "فيسبوك": "قولًا واحدًا الزمالك مش هيعمل أي صفقة في سوق الانتقالات الصيفية، وهيحاول يحل مشاكله واحدة واحدة". 

وأضاف قائد الزمالك السابق: "الزمالك معندهوش فلوس، الزمالك عايز يسدد الضرائب ويسدد ديون ممدوح عباس ويدفع رواتب اللاعبين والمدير الفني، وممكن النادي يقدر يعمل صفقات في يناير". 

وأتم خالد الغندور: "الزمالك هيكتفي باللاعبين العائدين من الإعارة، محمود علاء ويوسف إبراهيم أوباما وحمدي علاء، بالإضافة للمجموعة المتواجدة والاهتمام بقطاع الناشئين".

واختتم، "الناس اللي متعرفش أنا مين، أنا الكابتن التاريخي لفريق الزمالك وأكثر من حصد بطولات، أنا اشتغلت 20 سنة إعلام كنت بدافع فيهم عن حقوق الزمالك عبر كل القنوات التي عملت بها، بيقولوا إني مطبلاتي لمرتضى منصور والصفحات بتشتمني، أنا بقول الحق ولا أخشى أحد، غيري من الإعلاميين بيشتغل في الانتخابات وبيقبض منها، المجلس الحالي لازم يكمل ويحل المشاكل اللي هو كان السبب فيها".

أحمد مرتضى منصور يهاجم مدرب "يد" الزمالك: "لينا حساب معاك"

شن أحمد مرتضى منصور، عضو مجلس إدارة نادي الزمالك، والقائم بأعمال رئيس النادي هجوماً عنيفاً على أحمد رمضان "هتلر"، المدير الفني للفريق الأول لكرة اليد بالقلعة البيضاء.

وعلق أحمد مرتضى منصور على تصريحات "هتلر"، حيث وجه رسائل للمدرب عبر فضائية الزمالك، قائلًا "انت مسافر بفلوس نادي الزمالك ولابس لبس بفلوس نادي الزمالك وراكب عربية بفلوس نادي الزمالك وواصل المطار بفلوس نادي الزمالك وقاعد في الفندق على حساب نادي الزمالك وقاعد في الطايرة على حساب الزمالك".

وأضاف أحمد مرتضى منصور: "انت حضرتك فاهم غلط، انت قبل ما تسافر واخد فلوسك واللعيبة واخدة فلوسها وفي لعيبة أصرت تاخد فلوس قبل ما تسافر بدون توضيح أنا مش هتكلم كتير لأن أنا شايف إن منصب رئيس النادي مفروض متكلمش على مدرب ولا لاعب ولا عضو مجلس إدارة في مشرف يبقى يتكلم معاه ويجزيه أو يمشيه".

وواصل أحمد مرتضى منصور تصريحاته قائلاً: "الكلام ده أكيد ليه حساب والحساب هيكون في توقيت مناسب. إذا كنا مش عارفين في أصول الرياضة إن انت في ماتش مفروض متتكلمش كدة وتتكلم في قناة أجنبيه على نادي الزمالك، لأ نادي الزمالك كبير ومجلس إدارته رافع راسه ولاعبيه رافعين راسه ومدربيه رافعين راسه، لو حد خرج عن السياق أكيد في عقوبة مفيش حد فوق العقوبة، مفيش حد في النادي هيكون فوق المسألة ومش هتكلم اكتر من كده".