أحمد عبد الدايم يتقدم باستقالته من إدارة النشاط الرياضي بالزمالك (مستند)

تقدم أحمد عبد الدايم مدير النشاط الرياضي بنادي الزمالك، باستقالته من منصبه لوزارة الشباب والرياضة برئاسة أشرف صبحي. 

وجاء خطاب أحمد عبد الدايم كالتالي: 
أتقدم لسيادتكم باعتذاري عن الاستمرار في عملي كرئيس قطاع الشئون الرياضية بقرار مجلس إدارة بتاريخ 1-10-2022. 

مستند.. أحمد عبد الدايم يتقدم باستقالته من إدارة النشاط الرياضي بالزمالك

برجاء تكليف لجنة من قبل وزارة الشباب والرياضة (مديرية الشباب والرياضة بالجيزة) لاستلام بعض عقود لاعبي الفرق الرياضية حرصًا على المحافظ على عقود اللاعبين. 

يأتي قرار عبد الدايم بعد قرار مجلس إدارة الزمالك مساء السبت، بتقديم استقالتهم لوزارة الشباب والرياضة.

تحدث رضا عبد العال نجم الكرة المصرية، عن الأزمة التي يمر بها نادي الزمالك خلال الفترة الماضية والتي أدت لاستقاله مرتضى منصور رئيس النادي المعزول وجميع أعضاء مجلس الادارة.

وقال رضا عبد العال في تصريحات خاصة لـ"مصر تايمز": "الزمالك قبل مرتضي منصور مكنش عليه ديون بالشكل اللي عليه في الوقت الحالي ، ففي عهد مرتضي الزمالك بقي عليا ميوينات لإتحاد الكورة والفيفا اكثر من الماضي".

وتابع: "مجلس الإدراة الجديد هيمسك النادي وهو عليه ميدوانت لكذا مكان والمسؤلية عليه هتبقي كبيرة  وهيقبوا قدام المدفع نظرا للمشكلات اللي بتحيط بالنادي من مديونات ومشاكل قيد".

وأكمل حديثه عن صفقة بيع زيزو للشباب السعودي لسد مديونات النادي : "والزمالك مسدش ليه بفلوس بيع مصطفى محمد ، و100 مليون بتوع إمام عاشور ، وفلوس المحلات اللي بتتاجر داخل النادي بتروح فين، وفلوس اللي خدها الزمالك نظير مشاركته في بطولة كاس لوسيل راحت فين، وفلوس الشركات الراعية والبث الفضائي بتروح فين،  لو بيبني الإستاد كنا هنقول الفلوس بتتصرف علي الإستاد لكن ده محصلش".

وأضاف: "وبعد اما بعت إمام عاشور ومصطفى محمد وفرط في ساسي و طارق حامد وبن شرقي، جبت في الآخر صفقات كسر زي سامسونج، بعد كل اللي حصل في نادي الزمالك مين هيحاسب اللي الفساد اللي فيه نادي الزمالك دلوقتي".
 
وأردف: "هنشوف اللجان اللي هتتشكل هتقول مين الفاسد هل مسؤلين في مجلس الإدارة ورئيس النادي ولا مين بالظبط ولو برئ نرفعله القبعه، مش برئ يتحاسب".

وأختتم حديثه قائلاً: "المفروض قبل تشكيل اللجنة الثلاثية لإدارة النادي لحد فترة الانتخابات الجديدة نعرف مين السبب في الفساد اللي حصل في نادي الزمالك علشان ميتظلموش بأنهم قصروا في حق إدارة النادي ومحاولة خروج النادي من أزماته".