قلة أدب.. مواطنون يحذرون من التعامل مع شركة "سويفل"
حذر عدد من المواطنين من التعامل مع شركة سويفل ، مستعرضين تجاربهم الشخصية ، حيث استغاثت إحدى الفتيات على السوشيال ميديا قائلة " حد يعرف ازاى ممكن اوصل ل حد فى سويفل منتهى قلة الادب و عدم الاحترافية انهاردة كان عندى رحلة الساعة ٦ و نص الصبح من جنب بيتى شيراتون المنتزة للمعادى المفروض ان بيانات الرحلة بتظهر قبل الرحلة ما تبدأ ب 15 دقيقة للاسف مفيش اى بيانات ظهرت لا اسم السواق و لا رقم العربية و لا رقمه عشان اتواصل معاه و الجزء بتاع الشات اللى لو فيه مشكلة فى الرحلة اقدر اكلمهم منه مقفول و مفيش اى وصول ليهم نهائى ".
وتابعت " مش بس كده فضلت واقفة نص ساعة منتظرة الرحلة و الرحلة اتكنسلت و اتحسبت عليا منتهى قلة الادب و الاستخفاف بمصالح الناس كان واقف جنبى واحدة عندها معاد فى الوزارة و واحدة تانية رايحة تقدم ورقها فى الجامعة و واحد عنده اجتماع و انا كنت رايحة شغلى كل الناس دى اتأذت بسبب قلة ادب شركة مستهترة و محتكرة السوق
وقال شاب اخر مستعرضا مشكلته مع تطبيق سويفل" تطبيق سويفل حاليا من سيئ لأسوأ والرحلات بتتلغى لوحدها ورحلات مش بتيجي ولما تكلم الدعم يقولوا آسفين يافندم ومعلش ومش هتتكرر والموضوع اتكرر معايا اكتر من 4 مرات في ال اسكرين هنا رحله وقتها عدى من ساعه وحتى تفاصيل الرحلة مظهرتش".
