"اشتهرت على كبر.. وعمري ما حلمت أبقى مشهور".. أبرز تصريحات بيومي فؤاد في يحدث في مصر

حل الفنان بيومي فؤاد ضيفا بالأمس في برنامج"يحدث في مصر"مع الإعلامي شريف عامر المذاع على قناة إم بي سي وتحدث عن بداياته في مشوار الفن في سن كبير وأنه لم يتوقع في يوم أنه سيصل إلى هذه الشهرة،ومن أبرز تصريحاته:

• انا اشتهرت على كبر وما عمري أحلم أبقا مشهور و أوصل للي أنا فيه دلوقتي.
• كنت تعبت من 4 شهور وأعلنت إني هريح شويه وهسافر وكم كبير من الناس كلموني يطنوا عليا.
• كنت مسافر للخارج عشان أخس لأني برفض العمليات وبخاف من البنج بس ما سافرتشش.
• عمري ما حلمت باللي وصلت ليه وطموحي عمره ما راح للحتة دي.
• الكوميديا لعبتي ويقال إني شاطر فيها
• أنا اتشهرت على كبر وماكنتش أحلم أبقى مشهور.
• جميل إنك تدخلت فيلم فيه بيومي فؤاد ظاهر لمدة دقيقتين وتفتكره.
• بختار مكان كتابة إسمي على حسب تعبي في الفيلم.
• الفنان عادل إمام نصحني وقالي خلي لأ في قوة أيوة.
• اللي يفرق سعاد حسني عن أبناء جيلها التفاصيل.
• ما يشغلنيش ترتيب إسمي في تتر الفيلم.
• اعتذر عن فيلم(وش في وش) 6 مرات.
• كنت عارف إن فيلم(مندوب مبيعات)مش هينجح زي الأفلام التانية.
• كنت براهن على فيلم(وش في وش)لأننا تعبنا جدا.
• من أيام ما كنت بعمل جمعية علشان أدخل عيالي المدرسة عمري ما اشتغلت حاجة دون المستوى.
• عيبي الوحيد إني مبحبش أني لأ أنتقد ادوار أحد.
• فيلم "وش في وش"كان اصعب فيلم قدمته هذا الموسم مع أنه لوكيشن واحد فقط.
• أقرب الأدوار ليا(عزيز)في فيلم(وش في وش).
• كنت فاكر أنه أسهل فيلم ممكن اعمله طلع أصعب فيلم.
• احنا كمصريين ربنا أعطانا منحة نقدر نقلب النكد لسعادة.
• المسرح مهما عظم جمهوره مش هيبقى زي التليفزيون في البيت ولا السينما.