فيدرا تطالب الجمهور بالإستمرار في دعم فلسطين: لازم نفضل نتكلم ونوعي الناس
طالبت الفنانة فيدرا، متابعيها بالاستمرار في دعم ومساندة أهالي غزة، وتقديم المساعدات المادية والإغاثية لهم، في حربهم ضد العدو الإسرائيلي.
ونشرت فيدرا فيديو، عبر حسابها الشخصي بموقع تبادل الصور والفيديوهات انستجرام،:" الوضع في غزة كارثي، إحنا تعبنا من كم العذاب اللي بنشوفه، والقهر وقلة العدل والظلم، والقتل والذبح".
تابعت:" لكن لازم نفضل نتكلم ونوعي الناس، العالم بيتغير وعشان يتغير بياخد وقت، إحنا بنعمل اللي علينا ولازم نوصل صوت الفلسطينيين، الله أعلم أخرتها إيه".
ومن جانب أخر ، دعمت فتاة حديث الفناتة فيدرا بعد انتقادها لأماكن مصلى السيدات ، قائلة بمناسبة الفيديو المنتشر للفنانة فيدرا عن مصلى السيدات أحب أشارك تجربتي في مصلى أركان بالشيخ زايد.
وتابعت ،" لما رحت أصلي هناك الأسبوع الماضي غير انه موجود في البدروم حيث لا يوجد تكييف ولا تهوية جيدة قوبلت برائحة لا تتطاق لدرجة ان احنا معرفناش ندخل الا بعد ما غطينا أنوفنا مما ينم عن مستوى النظافة المتردي و عدم الاهتمام.. عيب ان مكان برونق و سمعة أركان يجي عند بيت ربنا و يبقى الاهتمام بالمنظر ده".
وكانت الفنانة فيدرا، قد قالت خلال فيديو نشرته عبر صفحتها بموقع التواصل الاجتماعي انستجرام: "أنا عندي سؤال.. احنا طبعا عارفين إن في الجامع الستات بتصلي بعيد عن الرجالة وبنبقى منفصلين، بس هو السؤال اللي أنا مش لاقية ليه أي رد.. هو ليه دايما المصلى بتاع الستات صغير ومكتوم ومقفل بحواجز ومدخله جانبي كده زي ما يكون مثلا مدخل باب المطبخ".
وأضافت: "احنا ليه بنتعامل كدة؟ احنا ليه بنتعامل معاملة المواطن الدرجة التانية؟ يعني ليه المصلى بتاعنا ميبقاش يشرح؟ ليه المصلى بتاعنا ميبقاش مدخله حلو وجميل زي مدخل مصلى الرجالة؟ ليه ده مش متحقق للست؟ ليه أنا كمسلمة داخلة أصلي أتعامل معاملة مواطن درجة تانية؟".
