أمير طعيمة: أنا منفصل عن زوجتي من شهرين.. وأكرم حسني مش طرف مباشر

رد الشاعر أمير طعيمة علي هجوم زوجته على الفنان أكرم حسني واتهمته بإنه سبب انفصالهم، وكتب منشور على صفحته الشخصية على الفيس بوك، ليوضح حقيقة الأمر.

وقال أمير طعيمة: “انا منفصل رسميا من شهرين وكنت منتظر الاعلان الرسمي لحين الانتهاء من بعض الاجراءات القانونية اللي كنت اتمنى إنه ا تتم بشكل ودي حفاظا على مصلحة اولادي”.

أضاف أمير طعيمة:" ورغبة مني ان الامور تتم بشكل يليق بعشرة سنين طويلة وللاسف لمًا ده ما حصلش الطلاق وقعفيما يخص اقحام اسم اخويا وصديقي الفنان اكرم حسني:

أولا مش اكرم اول ولا اخر حد هييجي اسمه بالباطل وده للاسف كان متوقع

بس بما ان الهجوم منها دلوقتي على اكرم فعايز اقول التالي:

١- اكرم ملوش اي صلة بالطلاق وبالعكس لما عرف من مدة اني هاخد الخطوة دي نصحني ما اعملش كده لمصلحة اولادي.

٢- كصديق وكفنان هو من انضف الناس اللي اتعاملت معاهم واشهد ربنا اني عمري ما شفت منه غير كل خير واحترام.

٣- اكرم مش طرف مباشر أو غير مباشر في الطلاق، طلاقي لاسباب اكيد مش مكانها الفيس بوك ولا تخص احد غير الطرفين، مفيش حد في الدنيا بيطلق الا لاسباب تخصه.

٤- اكرم ما عملش هاك لحسابها والكلام ده ربنا عالم إنه غير صحيح.

أمير طعيمة: اكرم مش طرف مباشر 

واختتم طعيمة: "انا راجل موجود في الوسط الفني بقالي 26 سنة  و اعتقد ان عمر ما حد سمع ليا حس ولا دخلت في مشاكل مع قريب أو غريب ومكنتش اتمنى اكتب البوست ده بس بما ان الكلام طال ناس ملهمش ذنب وجب عليا تحمل المسئولية والرد، وما زلت بتمنى ما اضطرش  ارد في يوم اخر على هجوم اخر على اي شخص لمجرد إنه صديق وبيتعامل معي فنيا.. ما زلت بتمنى من زوجتي السابقة ترك مساحة من الود عشان بنا اولاد وربنا بيقول:(وإذا طلقتم النساء فبلغن أجلهن فأمسكوهن بمعروف أو سرحوهن بمعروف) وده اللي بحاول فيه من البداية وهحاول فيه للنهاية، ربنا يهدي الجميع.

وأثارت جينى طعيمة زوجة الشاعر أمير طعيمة حالة كبيرة من الجدل بعدما كتبت منشور عبر حسابها الرسمي بموقع التواصل الاجتماعي فيس بوك تتهم فيه الفنان أكرم حسني بتخريب بيتها.

كتبت جينى زوجة الشاعر أمير طعيمة عبر حسابها بفيسبوك:" سبب رئيسي في خراب بيتي التفكير ده وصاحب الفكرة دي والقعدات اللذيذة اللي أنا رفضتها وهرفضها وبرفضها".

وأضافت :"أنا بيتي قائم من 16 سنة محدش لا زعزعه ولا قرب منه ودي نتيجة إنك تدخل ناس بيتك معاهم ناس بتسمم أفكارهم".