ريهام سعيد تهاجم بيومي فؤاد: لو الفنان مش بيحس بالآخرين يبقى مش فنان
هاجمت الإعلامية ريهام سعيد الفنان بيومي فؤاد، بعد تصيحاته في نهاية عرض مسرحية "زواج اصطناعي" في موسم الرياض.
وقالت ريهام سعيد خلال تقديمها برنامجها: "ما ينفعش تنتقد محمد سلام لإن موقفه موقف محترم، ومينفعش تغلط في اللي عمل الصح بيومي فؤاد قال كلام مستفز، وأنا وضعي صعب لإن بطاقتي مكتوب فيها ممثلة، لكن إنت كده ضحكت على نفسك يا بيومي، والشعب السعودي على راسنا من فوق، إيه دخل ده في إنك رايح تقدم مسرحية تضحك؟ كلنا لنا الشرف نتصور مع السعودي والإماراتي واللبناني
تابعت: إيه دخل ده في إن كان في مستشفى بينضرب وناس بتموت والدم سايح في كل حتة؟ إنت رايح تضحك بدليل إنك فنان كوميدي، وبدلت محمد سلام بكوميديان هو محمد أنور، وناس كتير شايفة مكانش يصح تضحك في الوقت ده، والأسبوع اللي محمد سلام إتكلم فيه كان وضع صعب جدا وما زال.
واختتمت ريهام سعيد رسالتها: "الفن لو مش هيقوم على إننا نحس بالناس، ولو الفنان معندوش إحساس بالآخرين يبقى مش فنان".
