متجاهلة مجهود 60 شخص.. منتج مسرحية "زواج اصطناعي" يهاجم كاملة أبو ذكري
هاجم صلاح الجهيني، منتج مسرحية “زواج اصطناعي” ، المخرجة كاملة أبو ذكري، بعدما وجهت انتقاد لاذع لأبطال المسرحية، على رأسهم بيومي فؤاد، بسبب تصريحاته التي أدلى بها في ختام العرض.
وكتب صلاح الجهيني عبر حسابه الشخصي بموقع التواصل الاجتماعي فيس بوك،: من الحاجات اللي بتضايق أي فنان هي انتقاد الناس وتقييمهم للعمل، من خلال الإعلان دون مشاهدة العمل نفسه كان شيء مؤسف جدًا لما الناس هاجمت مسلسل، قبل ما تشوفه لمجرد أن حواجب البطلة على البوستر معجبتهمش".
تابع صلاح الجهيني: “ولكن المؤسف أكثر أن مخرجة ليها تقديرها واحترامها زي الأستاذة كاملة أبو ذكري، قررت تهاجم عمل فني وتتهمه أنه اتكتب واتنفذ في 3 أيام بدون ما تشوف منه أي مشهد، متجاهلة مجهود أكتر من 60 شخص اشتغلوا على مدار 5 شهور عشان العمل ده يظهر ويتنفذ على الوجه اللي هما شايفينه بيرضيهم أستاذة كاملة، أنا مقدر موقفك السياسي والإنساني، ولكن يؤسفني أقول لحضرتك إنك جرحتي عدد كبير من الفنانين والشباب المجتهد، اللي بيعتبروا حضرتك قدوة ليهم بدون وجه حق.
كاملة أبو زكري تهاجم بيومي فؤاد
انتقدت المخرجة كاملة أبو ذكري، تصرف الفنان بيومي فؤاد، بعد هجومه على الفنان محمد سلام، الذي اعتذر عن مسرحية" زواج اصطناعي".
كتبت كاملة أبو ذكري، عبر صفحتها على موقع التواصل الإجتماعي "الفيسبوك" قائلة:" الأستاذ الفنان إلي كنت واحده من محبيه لو حضرتك فاكر إنك لما تعمل عمل إتحضر و إتكتب و إتنفذ في تلات أيام و تروح تعرضه و ترقص و تغني و تضحك و بعد كده تأخد ألاف الدولارات".
تابع:" لو ده بتسميه فن فأنا لا يشرفني إني أكون زميله لك في هذه المهنه، و لما تكون بتعرض التفاهات دي ده لا يشرف الفن المصري و لما تعرض التفاهه دي و جارك بيدبحوا أطفاله و نساءه و رجاله و تقولي الفن".
واختتمت كاملة أبو ذكري كلامها:" يبقي ماعنديش كلام أقدر أقوله غير إن الإحساس و الفن نعمه إنتم أخر ناس تتكلموا عنها".
