أوردر بـ1500 جنيه ولغوه من غير سبب.. مواطن يحذر من التعامل مع "طلبات"
مواطن من التعامل مع شركة طلبات ، مستعرضا مشكلته قائلا "مش اول مره يلغوا الاوردرات لاسباب ملهاش لازمه بتجاهل رضا العميل"
وتابع فى شكواه على وسائل التوصال الاجتماعى ،" طلبت وجبات بمبلغ 1500 جنيه من Talabat ( Bazoka ) مدفوع مقدم بالبطاقة البنكية وانتظرت حوالي 35 دقيقة متابعة الطلبية لحد ما جاء مع Delivery وفجأة صدمني انهم لغوا الاوردر بسبب التأخير التسليم ".
وتفاعل عدد كبير من رواد السوشيال مديا مع المنشور مؤكدين أن شركة طلبات فى المقاطعة لأنها من الشركات الأجنبية التابعة لدولة تدعم إسرائيل.
كما عرض شخص أخر تجربته مع شركة طلبات وحذر منها مشيرا إلى إنها تضيف أسعار زيادة على سعر الأوردارت الحقيقية من المحال نفسها.
وكان مواطن من التعامل مع شركة طلبات ، مستعرضا التجربة التى حدثت أمام منزله ، بالإضافة إلى سوء خدمة العملاء بفروع الشركة.
وقال صاحب الواقعة مستعرضا مشكلته عبر السوشيال ميديا ،" أنا انهارده مش شكوتي من طلبات كشركه لان انا مقاطع طلبات بقالي مده نظرا لسوء الخدمه و سوء خدمة العملاء و قله ادبهم..لكن طلبات تعدت كل الخطوط الحمرا و انا حابب الناس تعرف هي بتتعامل مع مين و مين الناس ال بيطلعوا بيوتهم عشان ياخدوا بالهم".
وتابع،" تحت البيت عندنا في فرع طلبات مارت او ممكن نسميه المخزن بتاعهم .. من اسبوع طيارين طلبات كانوا هيخبطوا بنت صغيره بتلعب تحت بيتها و اتمنعوا من دخول مجمع العماير بالموتسيكلات .. طبعا حصل مشكلة كبيره و خناقة و البوليس جه عشان يفض الموضوع و يمنعهم من دخول مجمع العماير .. فعملوا ايه بقي؟ بقوا بيركنوا في الشارع و حرفيا احتلوا الشارع.. و لو اتكلمت معاهم ان المنظر ده مينفعش قدام بيوت ناس .. اخر قلة ادب و سفاله و شتيمة و انهارده تم الاعتداء عليا بالسب و القذف بعد ما تم الاعتداء علي احد الجيران من اسبوع و احد اصحاب المحلات من كام يوم .. الوضع خطير للغاية لدرجة أنني اضطررت إلى إبلاغ الشرطة به، و قالت لي الشرطة ان معظم هؤلاء الطيارين لايتم الكشف عليهم جنائيا قبل التوظيف طبعا ده غير الحوادث المتعدده ال حصلت من طيارين طلبات و هما تحت تأثير المخدرات و غير حالات التلبس بحيازه مخدرات و اسلحة بيضا ال موجوده و مسجلة لدي الشرطة و بامكان اي حد التأكد من كلامي .. و هذا الكلام ينطبق علي موظفين طلبات بداخل الفرع الذين تعدوا عليا بالسب و القذف و هددوني بتكسير عربيتي و انهم مش هيسيبوني في حالي لو بلغت البوليس عنهم تاني".
واستطرد،" ما نوع الشركة التي توظف أفرادًا ذوي إجرامية وتسمح لهم بدخول منازلنا؟ هي شركة لا تبالي علي الإطلاق بالعملاء و تبالي فقط بالمكاسب و عمل الاعلانات التي تكلف الملايين و لكن لا يهتموا علي الاطلاق بتوفير التدريب لموظفين الشركة الذين يدخلوا منازلنا او حتي دفع راتب جيد للموظفين حتي يستقطبوا موظفين ذو خلق و امانه أنا أشارك هذا المنشور ليس فقط لرفع مستوى الوعي ولكن أيضًا لتحذير الناس من التعامل مع طلبات و سائقيها و الحرص علي سلامتهم و سلامه اسرهم و منازلهم اللهم بلغت اللهم فاشهد
وقال،" تم ارسال ايميل بالواقعه للاستاذه هدير شلبي - CEO طلبات و قام احدي موظفي طلبات مشكورا بالاتصال بي اثناء تواجدي بالقسم و وعدني بحل المشكلة (مشكلة التواجد امام باب المنزل) حل جذري و لم يحدث اي شئ علي الاطلاق احرصوا علي سلامتكم الشخصية و لا تتعاملوا مع طلبات".
