جحود الأبناء.. فتاة تعتدي على والدتها بالضرب المُبرح.. والمسنة تستغيث: عايزانى أكتب لها البيت (فيديو)

استغاثت السيدة "أمينة" صاحبة الـ70 عامًا، من محافظة الغربية، من بطش بناتها بعد تعديهن عليها بالضرب المبرح؛ رغبة منهن في أخذ منزلها وطردها منه وتنازلها عن املاكها، وكان ذلك باستخدام قطع خشبية.

وأوضحت السيدة في بث مباشر على موقع"مصر تايمز"، أنها لديها 4 فتيات ونجلين، توفي أحدهما منذ فترة والثاني على قيد الحياة ولكنه لم يصل رحمها، وتعرضت للتعذيب والضرب على يد 3 من بناتها لاجبارها على التنازل عن ملكية المنزل وسرقة الختم الخاص بها وأرضها.

وقالت السيدة: "كلهم بيضربوني مفيش فيهم حنية، شقيت عليهم وضيعت عمري كله بسرح وابيع في الغيط باليومية، عاوزين ياخدوا ارضي وياخدوا بيتي ويطردوني برة، القسية مبتتنسيش علطول بيضربوني لحد ما وشي ازرق، بنتي آيات قالتلي عاوزين الإثبات بتاعك عشان نسيبك والختم بس انا رفضت".

وروي "أشرف" نجل شقيق السيدة، أنه تلقى اتصال هاتفي من نجلتها أخبرته فيها بالتعدي على والدتها، فقال "روحت شوفتها لقيتها مضروبة وعرفت أن آيات بنتها اخدت منها توكيل لاستلام المعاش، وهي هتعيش معايا دلوقتي بدل بهدلتها".