معمول تحت السلم.. تحذيرات من مستحضرات عناية بالبشرة يروج لها البلوجرز

حذرت فتاة من استخدام منتجات ومستحضرات عناية بالبشرة لشركة شهيرة بعد تجربتها الشخصية مع هذه المنتجات وإرسالها شكوى للشركة.

وقالت الفتاة فى منشور لها على السوشيال ميديا،" جماعه انا حابه احذر الناس من منتجات تقرف منتشره اوي وكل البلوجرز بيتكلموا عنها دلؤقتي مجموعه ارجنتو  Argento  بتاعه الوش دي فعلا بشعه متنفعش لوش بني ادام ولا حيوان حتى وبتطلع كميه حبوب تحت الجلد رهيبه في اماكن اصلا مبيطلعش فيها حبوب! والكريمات ذات نفسها تقيله على الوش جدا انا جايبه الحاجات دي يوم ١٢/١٠ وشي مكانش في حبايه واحده تحت الجلد معايا صور قبل وبعد الجبهه كلها حبوب صغيره تحت الجلد وتحت عيني وخدودي اللي عمر ما طلع فيها حبايه".

وتابعت عن شكوتها من منتجات  Argento ،"كل ده بسبب استهتار منتجات تقريبا مش عليها رقابه اصلا فوق كل ده بعتلهم محدش ردعليا اخر حاجه وشي التهب لمه وقفته خالص على العموم بعد كده اي حاجه تلاقوا البلوجرز كلهم مره واحده اتكلموا على حاجه معينه تعرفواانها مش تمام وتستبعدوها نهائي ومش عشان منتج مصري تضحوا بوشكوا والله عشان ده ملوش تفسير غير انه معمول تحت السلم ومش طبي نهائي".