عمرو أديب: أياً كان هترشح مين..هاتروح تحط صوتك وترجع معزز مكرم
قال الإعلامى عمرو أديب أن مصر لديها إمكانيات هائلة وتستطيع أن تقف على قدمها وتحتاج لمساندة المصريين.
وتابع خلال برنامجه “ الحكاية” ،" أنا معرفش حد ولا انتخابات ولا دولة قالوا للناس فيها ماتنزلوش.. بره بيروح يبطل صوته لو مش مقتنع بحد بس مافيش حد بيقول ماتنزلوش"، متابعاً،" هتشوفوا لجان فاضية ولجان مليانة والللجان الفاضية دى لمليون سبب جائز الناس بتتغدى او الناس هتيجى بليل او لسه فى الشغل .. فبلاش تنخدعوا بالأرقام الكتير أو القليلة لأن الهيئة الوطنية للانتخابات هى اللى هتقول الحضور كان كذا وكذا".
وقال عمرو أديب،" الأساسى اللى هيحصل وواثق منه انه هيكون فى تريقة شديدة على أى مواطنين هيمارسوا أى شكل من أشكال السعادة أمام اللجان هيتمسح بيهم الأرض من اللى إخوان واللى مش إخوان وهيقولك أيوه عاملين حاجات علشان يلموا الناس وبيوزعوا عليهم مش عارف إيه".
وطالب عمرو أديب المصريين بالمشاركة فى الانتخابات والتعبير عن أنفسهم ورأيهم واختيار من يعبر عنهم، قائلا" أيا كان هترشح مين..هاتروح تحط صوتك وترجع معزز مكرم".
