فتاة تحذر من مركز تدريب فى الهرم تنصب على الشباب باسم شركة "we"

حذرت فتاة من شركة للتدريب فى الهرم تنصب على المواطنين باستغلال اسم شركة we للاتصالات ، على حد قول الفتاة .

وقالت صاحبة الشكوى عبر السوشيال ميديا ،" كنت حابه احكى حاجه حصلت معايا وبتحصل مع شباب كتير زيى كان فيه اعلان نازل من فتره على انه شغل ف شركه we  انا قدمت على انه شغل زيى زي اى حد روحت عملت الانترفيو و قبلت على انه شغل بجد و قالتلى هتدفعى مبلغ عشان لازم يبقى معاكى كورس ccna  و بعد كده هيتردلك  ف اول مرتب ف الشغل تمام تمام بعد كده كلمتنا انا والجروب اللى معايا قالتلنا فيه تيست ليكوا ف ال ccna للعلم المفروض ان كل ده احنا ف تدريب محدش عارف خالص انه حاجه تانيه خالص وروحنا واتعملنا تيست للشرح اللى كان بيتشرحلنا ف  meeting وخلصنا جيت بعدها لقينا ال Hr بتجبلنا ارقام ناس ف شركه ويى نعمل انترفيو المفروض كانت مفهمانا ان احنا خلاص اتقبلنا تبع الشركه وان احنا ف فتره تدريب وهتنزلى فتره ف القاهره وبعد كده هنروح محافظتنا بس اللى حصل عكس كده تماما انا كلمت hr  اللى متعرفوش بقى ان انا سالت ال hr ده اللى كنت هعمل معاه انترفيو سالته وقولتله انهم تبعوا قالى احنا ملناش شغل برا بالطريقه دى الشغل بتاعنا من خلال الشركه مش عن طريق مركز كورسات المهم الناس دى اخدت منى 2200 ج ويعتبر اخدنها بطريقه مش كويسه واكيد كلنا عارفين ايه هيا  بالن……  انا اضحك عليا و اعلانتهم كترت اوى اوى اوى 

وتابعت " ده عنوانهم الجيزة/ شارع الهرم الرئيسي/محطة المطبعة/بجوار البنك الاهلي. مركز Future Academy  طلعوا مش تبع شركه وي وده مركز تدريب للكورسات بس وبيضحكو علي الناس بالطريقه دي علشان ياخدوا فلوس وضحكوا عليا انا واللي معايا وكل كلامهم كد…محدش يصدقهم لانهم مقنعين جدا وبيتصلوا عليكوا من رقم متسجل باسم we jobs".