حورية فرغلي: نفسي أتجوز.. مش عايزة أعيش لوحدي
الإثنين 25/ديسمبر/2023 - 12:09 ص
كشفت الفنانة حورية فرغلي عن أنها تعيش حالة من الوحدة، وتتعجب من كون البعض يحسدها على حياتها.
ونشرت حورية فرغلي عبر صفحتها الرسمية في موقع التواصل الاجتماعي إنستجرام جانبا من مقابلة أجريت معها قالت فيها: "الناس ممكن تحسدني على إيه؟ أنا قاعدة لوحدي وعندي كلب، معنديش صحاب وتليفوني مش بيرن، وطول الوقت مع الآيباد والقراءة، أو أنزل ألف التراك، ومش بعمل حاجة في حياتي".
كما تحدثت حورية فرغلي عن تواصلها مع عائلتها قائلة: "ماما بتزورني وأنا بزورها، وممكن أزور بابا، وكنت قاعدة عند أخويا لكن هو طيار ودايما مسافر، ورانيا صاحبتي مش بنشوف بعض كتير".
وتابعت: "أنا دلوقتي عندي 46 سنة، نفسي أتجوز ويبقى عندي أسرة، ومش عايزة أعيش لوحدي، وده محصلش لغاية دلوقتي".
