أحمد العوضي بعد فيلمه الإسكندراني: حب الناس فضل من ربنا أنا مليش يد فيه
كشف الفنان أحمد العوضي عن سبب تقديمه لشخصية شاب من الإسكندرية في أحداث فيلم "الإسكندراني" مؤكدا أنه حاول الظهور بشكل طبيعي بعيدا عن الكليشيهات والكلمات المكررة التي ظهرت في أعمال سابقة.
وقال أحمد العوضي خلال لقائه في برنامج "مساء الإمارات" من تقديم عبد العزيز أحمد عبر قناة "الظفرة": “الحمد لله استقبال إخواتي في إسكندرية كان فوق ما اتخيل حب الناس فضل من ربنا أنا مليش يد فيه، أي شخصية بعملها سواء صعيدي أو إسكندراني بشتغل عليها بحيث أنها تطلع بتفاصيلها لما حد يشوفها يصدق أنه إسكندراني”.
تابع أحمد العوضي: "وبعدت عن الكليشيهات اللي الناس معتاده عليها عملته طبيعي زي ما هو موجود وبشوفه في الشارع، في فرق بين اللي بنشوفه في التليفزيون وبين اللي بنشوفه في الشارع أنا بعمل الحقيقي بطلعها باللي عينه شافته".
الفيلم من إنتاج شركة مصر العربية للإنتاج السينمائي بالتعاون مع روتانا ستديوز، ويروي قصة شاب يعيش في مدينة الإسكندرية ويتعرض لمجموعة من التحديات والصراعات في حياته اليومية، كما يتناول الفيلم عدة قضايا اجتماعية وسياسية مهمة، ويسلط الضوء على بعض الجوانب القاسية في المجتمع المصري.
