بـ"الأرقام".. أحمد حسن يرد على محمد شردي بعد انتقاده محمد صلاح
رد أحمد حسن نجم منتخب مصر السابق على الإعلامي محمد شردي، بعد انتقاده له، بسبب تصريحات أحمد حسن الأخيره على محمد صلاح.
بـ"الأرقام".. أحمد حسن يرد على محمد شردي بعد انتقاده محمد صلاح
وجاء رد أحمد حسن على الإعلامي محمد شردي عبر حسابه على الـ"فيسبوك": "طبيعي لما تقول وجهة نظرك في موضوع مهم بيشغل الناس بتلاقي ناس مؤيدة وناس مختلفة وفي ناس حتى في اختلافها راقية وفي ناس لو اختلفت لسنين محدش هيرد عليهم، لأن غرضهم معروف، وبالتالي التعامل معاهم كأنهم مش موجودين أصلًا، لكن لما تلاقي واحد المفروض بيقولوا عليه إعلامي كبير في السن على الأقل بيسأل وبيغلط وبيقول مين أحمد حسن ده اصلا؟! ساعتها لازم "شردي" يكون حاضرعلشان أرد عليه، وأفكره مين أحمد حسن جايز يكون "شرده"، مش حاضر حابب يعمل لقطة علشان كده هفكره حالًا بالعبد الفقير إلى الله".
وأكمل: أكتر لاعب في تاريخ بلده مصر مثل المنتخب برصيد 184 مباراة دولية " عميد لاعبي العالم، أكتر لاعب فاز بكأس الأمم الافريقية وشارك فيها برصيد 4 ومنهم 3 شايل شارة قيادة المنتخب، وأكيد صعب عليك استيعاب معنى يعني أي قائد منتخب بلد كبيرة زي مصر.
وأردف: "أحسن لاعب في كأس الأمم الأفريقية عام 2006 وعام 2010 وأحسن لاعب داخل القارة الأفريقية 2010 ، مشوار احترافي 10 سنين ولاعب في أكبر 3 أندية في مصر الأهلي والزمالك والإسماعيلي".
واختتم: سفير النوايا الحسنة وسفير الإتحاد الأفريقي ممثلًا لبلدي وسفير منظمة الصحة العالمية، عمومًا ده اللي افتكرته دلوقتي لأن "شردي" مش حاضر أوي وانت وصفتني بـ"القرد"، وقولت ألزم شجرتي وأنا احترامًا لسنك وتربيتي تمنعني أرد عليك بنفس الطريقة وهسيبك تسرش عني وتعرف الباقي علشان لما تعرف تكتب عن الناس تكون عارفهم كويس وخليك فاكر إن كل إناء بينضح بما فيه.
