كنزي مدبولي لـ"مصر تايمز": روايتي مش معقدة.. وتوقعت الهجوم عليا
استطاعت البلوجر كنزي مدبولي، أن تحقق حلمها بطرح أول أعمالها في رواية بعنوان “فرصة من ذهب” بمعرض القاهرة الدولي للكتاب 2024، وهي الرواية التي لاقت إقبالا كبيرا من جمهور المعرض، ليتساءل البعض هو ما جعل الجميع يتطلع لمعرفة كنزي مدبولي التي زلزلزت معرض الكتاب؟
رواية “فرصة من ذهب”
تواصل “مصر تايمز” مع كنزي مدبولي التي كشفت عن سعادتها بإقبال الجمهور على روايتها بمجرد طرحها، قائلة: “دي خطوة كنت ناوية أعملها ولكن الفرق حاليا إني شخصية معروفة ولكن لو أنا مش معروفة محدش كان هيعلق على الرواية .. ولكن أنا شوفت الهجوم عليا من فترة من وقت ماقولت إني هعمل رواية وحكموا عليا بأن أسلوبي وحش وإني جهلة ومش مثقفة ”.
تابعت كنزي مدبولي:"اللي حصل في معرض الكتاب حاجة كبيرة جدا بالنسبالي وأكيد متوقعة الهجوم لأن في أشخاص مش بتحب النجاح لحد .. ومكنتش متوقعة كم الناس في معرض الكتاب وكنت عارفة إني في ناس هتيجي بس مش بالشكل ده ولكن روايتي مش معقدة وبتخاطب الشباب واللي أصغر مني كمان وأنا قابلت ناس مش بتحب القراءة ولكن لما الموضوع يبقى سلس معاهم ممكن يحبوها ".
من هي كنزي مدبولي؟
كنزي مدبولي شابة مصرية تبلغ من العمر 25 عاماً، تألقت على منصات التواصل الاجتماعي ونجحت في تأسيس قاعدة جماهيرية على السوشيال ميديا، وطرحت أول أعمالها الأدبية في معرض القاهرة الدولي للكتاب 2024 وهي رواية بعنوان "قصة من ذهب".
