هنا الزاهد بعد انفصالها عن أحمد فهمي: تجربة صعبة عشان العشرة لكن الحياة مكملة
الأربعاء 31/يناير/2024 - 10:14 ص
أكدت النجمة هنا الزاهد احتفاظها بعلاقة طيبة بزوجها السابق النجم أحمد فهمي، بعد إعلان انفصالهما مؤخرا.
وقالت هنا الزاهد خلال استضافتها في برنامج "كلاكيت"، الذي تقدمه الإعلامية لينة الطهطاوي عبر نجوم إف إم: "الحياة مش كلها وردي ولا كلها وحشة، ومش لازم أي اثنين يسيبوا بعض يبقى في مشاكل، في ناس مش بيتوفقوا مع بعض والنصيب مش بيكمل، لكن بيبقوا في منتهى الشياكة والاحترام".
وأضافت: "إحنا كنا أصحاب في الأول، وبينا عشرة كبيرة 5 سنين، وأكيد في بينا كل احترام وهو شخص محترم جدا، ومش حاملة هم إني أشوفه، بالعكس شوفنا بعض في حفل جوي أوردز وسلمنا على بعض عادي، وهو دلوقتي صديق وزميل في نفس المهنة".
وتابعت: "الانفصال في الأول حاجة صعبة جدا علشان العشرة، لكن الحياة مكملة ولازم تقفي وتكملي، والحمد لله أنا تمام ومبسوطة وهو مبسوط جدا".
