ليلى زاهر تكشف سر انجذابها لـ هشام جمال

اعترفت الفنانة ليلى أحمد زاهر بأن الاهتمام الذي أبداه الفنان هشام جمال في إخراج أول كليب غنائي لها في لبنان لعب دورا كبيرا في انجذابها إليه.

وقالت ليلى زاهر خلال لقائهما مع الفنانة إسعاد يونس في برنامج "صاحبة السعادة" المذاع عبر قناة dmc: "لقيت هشام سايب كل حاجة وراه، وعايز يعمل الكليب هدية علشاني، وكان مهتم يطلعني بأحسن صورة، وبدأت أشوف اهتمامه واضح ناحيتي، وإنه مركز معايا وواخد باله مني جدا".

وأضافت: "محستش بربع مشكلة وهو حل كل حاجة، ولولاه ولولا بابا الكليب ده مكانش إتعمل، وهشام عمل كل حاجة واتشقلب علشان الكليب يطلع تحفة، فأكيد ده لفت نظري وحرك عندي حاجة

أوضحت ليلى زاهر أن هشام جمال يتشابه مع والدها، النجم أحمد زاهر، في جانب مهم قائلة: "أنا أهم حاجة عندي أكون مطمنة وأعيش حياة بسيطة وهادية، وبابا بالنسبالي هو مصدر الأمان في حياتي، وفجأة لقيت هشام بقى مصدر أمان، ولو الشخص ده مش موجود ببقى مش مرتاحة ولا مطمنة".