سمية الخشاب تهاجم رامزجلال: بيعمل مشاهدات على حساب صحة الناس
كشفت الفنانة سمية الخشاب عن تعرضها لإصابة أثناء تصوير حلقتها في برنامج المقالب "رامز جاب من الآخر"، وانتقدت فكرة البرنامج.
وقالت سمية الخشاب في لقاء مع et بالعربي: "أنا مدمرة دراعي مش قادرة أحركه من مكانه والمفروض أبقى عامله جبيرة في رجلي وأبقى رابطة دراعي ودا بتقارير طبية من 3 دكاترة منهم واحد إنجليزي".
وهاجمت سمية الخشاب البرنامج قائلة: " الموضوع مينفعش برامج المقالب دي متاحة ومبررة لكن ليه ناس كتير تتعرض للأذى مفيش أي مبرر أن لمجرد أنه يطلع ويشتهر ويعمل مشاهدات على حساب صحة الناس، الصحة كنز ومفيش أغلى منها وأيا كان يتقال إنتي كنتي عارفة المقلب ومضيتي على ورقة إنك موافقة، هو في حد بيمضي على إنه يتكسر ويعرض حياته وصحته للخطر ويبقى عنده مشكلة بعد كده ميبقاش عارف يعالجها، الصحة إيه يساويها تتقدر بإيه ولا ملايين الدنيا".
وتقوم فكرة البرنامج على تنفيذ مقلب في اثنين من المشاهير، بينهما خلاف أو منافسة، ويعرض برنامج الفنان رامز جلال يوميًا طوال شهر رمضان المبارك، عقب أذان المغرب على فضائية MBC مصر.
وظهر عدد من النجوم فى برومو برنامج "رامز جاب من الآخر"، من بينهم أحمد السقا، وباسم سمرة، ومحمد لطفي، وميرهان حسين، وأحمد حسام ميدو، وكزبرة، ونجلاء بدر، وسمية الخشاب، ومحمد شاهين، وباميلا الكيك، وعبد الناصر زيدان، ومحمد رياض، وحمادة هلال، وحسن شاكوش وطليقته، وحمدي الميرغني، وهدى المفتي، وأحمد مالك، وآيتن عامر، ومي عمر، ونسرين أمين، ويسرا اللوزي، وانتصار، وأحمد فهمي.
وكان برنامج رامز جلال في رمضان الماضي بعنوان “رامز نيفر إند”، قد حقق نسبة مشاهدة عالية بعد عرضه على قنوات “إم بي سي مصر”، برعاية الهيئة العامة للترفيه السعودية.
