يسرا اللوزي: أرفض دخول بناتي مجال الفن

كشفت الفنانة يسرا اللوزي عن الطريقة التي تتعامل بها مع بناتها وعن وموقفها من دخولهن مجال التمثيل في الوقت الحالي.

يسرا اللوزي: أرفض دخول بناتي مجال الفن

قالت يسرا الوزي، خلال استضافتها في برنامج Out Box، عبر سوشيال قناة صدى البلد، عن الطريقة التي تعاقب بها بناتها، ساخرة: «هم اللي بيعاقبوني والله».

واستكملت حديثها: «يعني بحرمهم من حاجة هم بيحبوها مثلاً مفيش تليفزيون مش هجيبلك كذا، يعني مايبقاش كل حاجة بتيجي بالساهل من غير ما يستاهلوها، لازم يعملوا المطلوب منهم عشان أنا كمان أسمع كلامكم واعملهم اللي هم عايزينه».

أوضحت يسرا اللوزي، أنها ترفض دخول بناتها مجال التمثيل، ليس لأنهن بنات، ولكن لأن مهنة التمثيل صعبة للغاية، قائلة: «مش عشان هم بنات أنا معنديش الازدواجية دي، عشان ظروف المهنة صعبة جدًا، وبتبقى أصعب وأصعب كل سنة، من ساعة ما بدأت وحاليًا الظروف أوحش».

وكشف يسرا اللوزي عن الشروط التي يجب توافرها في مهنة التمثيل حتى توافق على دخول بناتها هذا المجال قائلة: «لما يبقى اننا بنشتغل 8 ساعات في اليوم، وفي قانون عمل والنقابة بتابع الحاجات دي، وفي تأمين على الناس اللي بتصور، ونبقى زاي برة ونبقى بنشتغل في ظروف آدمية أكتر احتمال ممكن أوافق».